SARDU

Comunu de Seddori: In continuidadi cun sa manifestatzioni “BenEssere donna” de s’8 de martzu passau, su Comunu sighit cun is initziativas po sa promotzioni de su benesseri. Sàbudu, su 19 de martzu, a is dexi de a mengianu, apuntamentu in su Parcu S’Arei, po fai sa “passillada de sa saludi” a indonu e podint partetzipai totus. Una atzioni simpli e de dònnia dì cumenti sa passillada podit essi una manera fatzili e econòmica po si pigai cura de nosu e totu e de su corpus nostu. S’initziativa bolit promovi unu stili de vida giustu e momentus de relax a s’ària aberta in cumpangia de amigus e conoscentis. Po sa passilada de sa saludi no serbit a essi sportivus espertus e no at a essi unu sforzu mannu po si fadiai. Ddoi ant a essi is espertas Loredana Murtas (Nordic Walking) e Lucia Tomasi (autodifesa personali).

Programma:
A is dexi atòbiu e presentatzioni in su Polu Culturali
A is dexi e unu cuartu sa partèntzia
A is ùndixi e unu cuartu sa torrada e is dimostratzionis pràticas po contu de is espertas

Su tretu de fai at a essi:
Parcu S’Arei
Bia Logudoro
Bia Riu Piras
Bia Funtana Noa
Bia Liguria
Parcu S’Arei

Sa partetzipatzioni est a indonu.
Po si allistai depeis imbiai sa domanda a custu indiritzu: https://forms.gle/wohbopi6EM4aBocn6