SARDU
Cumintzat sa Stagioni teatrali organizada de su Comunu de Seddori e de su CeDac cun 11 apuntamentus, de Mesi de Ladàmini 2026 fintzas a Abrili 2027, chi portat in su palcu grandus atoris, cumpangias e linguàgius diferentis de su spetàculu biu. Si cumintzat gióbia su 22 de Mesi de Ladàmini.
Totus is spetàculus funt a is h. 20.30 in su Teatru Comunali Akinu Congia de Seddori.
Po informus in prus de cumenti comporai is billetus tocat a tzerriai su nùmeru 345.27511636 o mandai una e-mai a s’indiritzu promozioneteatrosanluri@gmail.com
IS APUNTAMENTUS DE SA STAGIONI
- Gióbia su 22 de Mesi de Ladàmini 2026 – h. 20.30 “Questo matrimonio non s’ha da fare” de Alessandro Manzoni – Ettore Bassi e Marco Beretta
Unu melòlogu originali po boxi chi récitat e pianoforti chi portat in scena is personàgius e is acontéssius de “I Promessi Sposi”, intra fueddus, mùsica e emotzionis.
- Domìnigu su 15 de Donniasantu 2026 – h. 20.30 “Lu Santo Jullare Francesco” de Dario Fo e Franca Rame – Ugo Dighero
Una “giullarada” ecisera in contu de sa vida de Santu Franciscu, in su stilu brullanu e bisadori de Dario Fo.
- Domìnigu su 13 de Mesi de Idas 2026 – h. 20.30 “Atlas / Il Suono del Tempo” de Matteo Muntoni e Ensemble
Un biaxi musicali intra Minimalismu, improvisatzioni e mùsica contemporànea, cun su Mediterràneu in mesu de su pentzamentu asuba de su tempus de oi.
- Martis su 12 de Gennaxu 2027 – ore 20.30 “Geografie Mistiche” de Mario Tozzi ed Enzo Favata
Sciéntzia, mùsica e mitus antigus si atóbiant in unu spetàculu-cuncertu dedicau a s’orìgini fìsica de maxias, miràculus e paristórias.
- Lunis su 15 de Friaxu 2027 – h. 20.30 “La Magnifica Imperfezione / Giro del mondo di una palla in volo” de Nicola Zavagli – Andrea Zorzi e Beatrice Visibelli
Unu biaxi atriviu in sa stória de sa pallavolo, intra sport, aventuras e atóbius in cincu continentis.
- Cenàbara su 26 de Friaxu 2027 – h. 20.30 “Troilo e Cressida” I Sacchi di Sabbia – de William Shakespeare
Amori, traiximentus e guerra si arretrogant in una riletura contemporànea e tragicómica de sa tragedia shakespeariana.
- Domìnigu su 14 de Martzu 2027 – h. 20.30 “Contratto / Dialogo per un Rapporto di Coppia”
De Alice Bertini – Federico Gatti
Unu pentzamentu brullanu e atuali in contu de is relatzionis, is aspetativas, sa timoria de abarrai a solus e su disìgiu de fraigai una vida a duus.
- Sàbudu su 20 de Martzu 2027 – h. 20.30 “Resounding” de Francesca La Cava – Marco Ariano
Dantza contemporànea, mùsica e realidadi créscia po unu biaxi fungudu po scoberri is paesàgius sonorus e is “boxis” de sa natura.
- Cenàbara su 26 de Martzu 2027 – h. 20.30 “Bandiera” de Lucia Franchi e Luca Ricci
Unu imbargu strambecu cun acabbu imprevedìbbili diventat una stória tragicómica chi chistionat de disugualliantzias, capitalismu e spera.
- Sàbudu su 10 de Abrili 2027 – h. 20.30 “Il Berretto a Sonagli” de Luigi Pirandello – regia de Gino Auriuso
Unu grandu clàssicu de su teatru de su Noixentus intra fengiosia, beridadi, machiori e giogu de is màscaras socialis.
- Domínigu su 18 de Abrili 2027 – h. 20.30 “Alice (non canta) De André” de Alice De André
Un’autoritratu de artista forti e irónicu in contu de su pesu de unu sangunau importanti e apitzus de sa circa de sa boxi cosa sua.