SARDU

Sa Pro Loco Segariu, in collabboratzioni cun su Comunu de Segariu, presentat s’editzioni noa de  “Is bias de su Trigu – Sighi sa Spiga”, in programma domìnigu s’11 de Mesi de Ladàmini 2026.

Po una dii intrea, Segariu at a oberri is domus, is cortis e is forrus antigus suus po contai una de is traditzionis prus sintzillas de sa bidda: su pani fatu in domu.   

Is famìllias ant a strangiai is bisitadoris in is spàtzius insoru, ammostendi gestus, nuscus e sabiéntzia chi si funt passaus in su tempus.

At a essi unu camminu intra bias, domus campidanesas e forrus allutus, innui su pani apena bogau de su forru diventat un’ocasioni de atóbiu, memória e cumpratzidura.

Sa dii de sa manifestazioni est possìbili puru a bisitai unus cantu de is logus prus eciseris de Segariu giai chi ddoi at fintzas Monumentus Obertus, cun percussus dedicaus a su patrimóniu stóricu, culturali e identitàriu de sa bidda.  

In prus is bisitadoris podint prandi ingunis etotu, giai chi ddoi funt spainaus in sa bidda unus cantu de logus innui si podit papai cun pratus tìpicus, prodotus localis e propostas alliongiadas a sa coxina de su territóriu.

Forrus obertus, mestieris antigus, labboratórius, bisitas ghiadas, saboris localis e momentus de festa ant a acumpangiai una dii pentzada po torrai a scoberri Segariu.  

Is hobbistas, is artesanus e is ammostadoris chi bolint partecipai a sa manifestatzioni podint intregai una e-mail a s’indiritzu prolocosegariu@libero.it

Programma:

h. 9.00-19.00: Obertura de is forrus. Pani fatu cun trigu sardu a su 100% de sa filera de is Fradis Cellino.

h. 9.00-18.30: Bisitas ghiadas a incuru de Monumentus Obertus. Si partit de Bia Dante 43. Camminu intra Putzu Sagrau, Nuraxi, murales, crésias, Sa mitza e domus  campidanesas.

h. 9.00-19.00: Mestieris Antigus. Ammosta de Artesanau Sardu in bia Dante 43.

h. 9.00-19.00: Ammostu cun prodotus localis in bia Dante 43.

h. 9.30-16.00: Labboratóriu de ceràmica po mannus e pipius in bia Dante 43.

h. 10.00-16.00: Labboratóriu de Frégula in bia Dante 43.

h. 10.00-16.00: Trabballu de is Seadas in bia Dante 43.

h. 10.00: Murzu a sa sarda. Aperitivu abetendi su pràngiu ananti de sa bancarella de sa Pro Loco in bia Dante 43.

h. 11.00/15.30/18.00: Coidura de su pani cun frammentu ananti de sa bancarella de sa Pro Loco in bia Dante 43.

h. 12.30 – 14.30: Pràngiu campidanesu (€ 15.00) in sa bancarella de sa Pro Loco in bia Dante 43.

Menu:

- Antipastu de terra

- Malloreddus a sa campidanesa

- Bisteca de procu cun intzalada

- Druci e bufóngiu