SARDU
Ocannu puru sa Fondatzioni Sardigna Ìsula de su Romànicu torrat a proponni is Diis Natzionalis de su Romànicu, s’initziativa chi at a biri dexinas de crésias romànicas de totu s’ìsula obertas a su pùbblicu cun bisitas ghiadas a cumintzai de su 3 de Mesi de Ladàmini e po is cuatru finis de cida chi benint.
Segariu at astrangiai s’acontéssiu sàbudu su 31 de Mesi de Ladàmini e domìnigu s’1 de Donniasantu candu s’at a podi intrai a indonu in sa cresiedda de Sant’Antoni de Pàdova.
https://www.fondazioneromanicosardegna.it/le-chiese/provincia-del-sud-sardegna/chiesa-di-santantonio-da-padova/
Sant’Antoni de Pàdova in Segariu
S’edifítziu, chi si podit datai a sa primu perra de su séculu XIII, iat a podi essi su fàbbricu prus antigu de Segariu, s’únicu testimóngiu de sa bidda medievali spérdia intra is séculus XV e XVI e torrada a fundai a pagu tretu de ingunis; àterus istóricus invécias nànt chi custa crésia fiat sa parrochiali de una bidda medievali diferenti, Carrarza o Craccaxia sparéssia in s’acabbu de su Trexentus. Sa crésia dd’ant pesada asuba de unu putzu, chi iat a podi essi de època nuraxesa e fortzis ddu impreànt po cultus antigus de is àcuas e chi in dí de oi est crobetu de una trapa chi s’agatat apena passada s’intrada e si podit biri abascendi un’arrampa a gradonis.
In su 1922 iant artziau s’istrutura de unus 50 cm, chi si bínt beni in sa parti arrebbussada asuba e in su 1934 est intrada a fai parti de is monumentus natzionalis. Dd’ant pesada in arenària chi est sa pedra chi agataus de prus in su territóriu e tenit una navada iscéti cun àbsidi, crabetura a duas àcuas e campanili a vela apitzus de finali praneri. In is séculus apustis dd’ant torrada a manixai, aciungendi sa sagristia e una lolla cun intrada a arcu addossada in su ladu de manca, chi a dónnia manera non dd’at fatu perdi is caraterísticas originàrias, cumenti a is archixeddus a bicu acutzu de is ladus, sa fentanedda a arcu tundu in s’afaciada e unas cantu concas de ómini in rilievu. S’afaciada est pranera e asuba tenit su campanili a vela chi acabbat cun una gruxixedda in pedra. Una raridadi funt is tres fentaneddas a arcu chi s’agatant in s’àbsidi chi agataus in pagus àteras crésias, chi donant luxi aintrus de sa navada, chi tenit bóvida a intrajadura de linna.
(bogau de “Guida alle chiese campestri della Provincia del Medio Campidano”)
ITALIANO
Segariu: Le Giornate del Romanico 2026
Anche quest’anno la Fondazione Sardegna Isola del Romanico ripropone le Giornate Nazionali del Romanico, l’iniziativa che vedrà decine di chiese romaniche di tutta l’isola aperte al pubblico con visite guidate iniziate il 3 Ottobre e per i prossimi quattro weekend.
Segariu ospiterà l’evento sabato 31 Ottobre e Domenica 1 Novembre quando sarà possibile accedere gratuitamente alla chiesetta di Sant’Antonio da Padova.
https://www.fondazioneromanicosardegna.it/le-chiese/provincia-del-sud-sardegna/chiesa-di-santantonio-da-padova/
Sant’Antonio da Padova a Segariu
L’edificio, databile alla prima metà del XIII secolo, è secondo alcuni, la più antica costruzione di Segariu, unica testimonianza del villaggio medievale, scomparso tra il XV e il XVI secolo e successivamente rifondato a brevissima distanza; qualche altro storico ritiene che fu invece la parrocchiale di un distinto borgo medievale, chiamato Carrarza o Craccaxia, estinto alla fine del Trecento. La chiesa è stata edificata sopra un pozzo di probabile origine nuragica forse utilizzato per antichi culti delle acque, protetto da una botola e accessibile appena superato l’ingresso, grazie a una rampa da gradoni.
Nel 1922 la struttura venne sollevata di circa 50 cm, evidenziati dalla parte superiore intonacata e nel 1934 è entrata a far parte dell’elenco dei monumenti nazionali. Realizzata in arenaria, tipica pietra del territorio, si compone di un’unica aula absidata, con copertura a doppia falda e campanile a vela su terminale piano. Rimaneggiata in epoche successive, con l’aggiunta della sagrestia e di un portico a luce arcuata addossato sul lato sinistro, non ha comunque perso le originarie e peculiari caratteristiche, quali gli archetti parietali a sesto acuto, la monofora frontale e alcune testine umane in rilievo. Piana è la facciata e su di essa si erge un campanile a vela sul quale s’imposta una minuscola croce in pietra. Una rarità sono le tre monofore dell’abside, riscontrate in pochi altri esempi, le quali forniscono le luci all’aula interna, che ha coperture a capriate lignee.
(fonte “Guida alle chiese campestri della Provincia del Medio Campidano”)
