SARDU

Comunu de Serdiana: Pustis de annus chi est amancau, torrat su Cranovali in Serdiana, cun unu programma arricu e tzacarrosu chi at apariciau sa Pro Loco Serdiana paris cun s’assótziu Gocce di solidarietà e s’Oratóriu S.S. Salvatore.

Domínigu su 19 de Friaxu incingiai su costumu prus bellu chi teneis ca no podeis amancai a s’apuntamentu!

S’atòbiu est in sa Pratza Eroici Caduti a is 4 de a merii (16:00), de innui at a movi una sfilada crutza peri bias XX Settembre, Musiu, Roma, Monsignor Carta e Umberto I po ndi torrai a sa pratza de ancu s’est partius. Sighint alentadura e baby dance dedicaus a is prus piticheddus.

A is 6 de a merii (18:00) s’ant a fai a biri IS CERBUS, sa màscara traditzionali de Sínnia, chi s’ant a fai bivi s’atmosfera de su cranovali antigu sardu.

Acabbendi, a is 7 de a merii (19:00), at a cumentzai sa festa in pratza cun Deejay set a incuru de Dj Gufo (serada Reggaeton, Pop, Dance annus 70-80-90) e tzipulas po totus.  

Po totu su tempus chi at a durai s’acontéssiu ddoi at a essi unu pabilloni cun cosa de papai e de bufai.