SARDU

Comunu de Silìcua: Mércuris 27 de Meseladàmini sa Biblioteca Comunali de Silìcua stràngiat sa scritora Cristina Caboni po unu atóbiu dópiu. Su primu a is cuatru e mesu de a merí (h. 16.30) bit Cristina Caboni cumenti a scritora po pipius, po sa presentada, riservada a pipius de is 7 a is 10 annu, de su líbburu disenniau cosa sua "Da quassù" .

A is ses de a merí intamis presentat s'ùrtimu romanzu "La ragazza dei colori" , pubblicau de Garzanti. Ndi arrexonat cun s'autora sa Dot.ra Ilaria Porcu Cordinadora de su Progetu de su Sistema Bibliotecàriu Bibliomedia.

Is atóbius ddus organizat s'Amministratzioni Comunali de Silìcua e su sistema Bibliotecàriu Bibliomedia imparis cun sa libreria Librart de Biddaspitziosa e cun sa RTB SoSeBi – Memoria Storica.