SARDU

Comunu de Gùspini: In Gúspini unu murale dedicau a Gino Strada s’at a realizai in sa gabinade s’ENEL debia Matteotti gràtzias a sa collabboratzioni intra Comunu e su progetu ENEL “Ridisegnare cabine”.

"In s’interis chi custa borta s’ennésima guerra cumentzada de atesu dda funt cumbatendi in is làcanas de s’Europa, intra su burdellu de is bombardamentus a is tzivilis, su disterru de féminas e pipius e sa cursa a is armas, is fueddus de Gino Stradaintrant in is cusciéntzias nostas. A Gino Strada, fieru rapresentanti de un’idea de umanidadi fundada apitzus de sa solidariedadi, de sempri in prima línea contras a is abbétius e is diferéntzias e in amparu de is diritus umanus fintzas a s’impignu de unu vacinu universali, cun su Comunu de Gúspini – e massimamenti cun s’Assessorau a sa Cultura eus bófiu dedicai un’ópera de street art aintru de su progetu“Ridisegnare cabine” in collaboratzioni cun E-distribuzione."

S’idea progetualidd’ant intregada a s’illustradori guspinesu Carlo Giambarresi chi is collabboratzionis suas andant de "Il Corriere della Sera" a su"The New York Times". Agiudat a realizai s’ópera artística (chi s’at a acabbai e s’at a inaugurai lunis 29 de Martzu 2022 a is 5 de a merii), s’assótziu “Non solo Murales” de Santu Aíngiu.

Sa tarea de s’Amministratzioni no est sceti un’interventu de decoru urbanu cun sa ricualificatzioni de un’edifítziu chi s’agatat in s’intrada principali de Gúspini, ma bolit donai fintzas unu messàgiu sociali de paxi atuali meda in dii de oi, e acanta puru a su chi pentzàt su dotori de Paxi chi s’est mortu de pagu e chi est scritu impari a sa figura de Strada in su muru mannu chi s’acrarat in sa bia Matteotti: “Deu no seu paxista. Deu seu contras a sa guerra ca sa guerra no si podit umanizai, si podit sceti aboliri.” [Gino Strada]

Est in programma puru un’atru murale chi s’at a realizai in su mesi de Abriliin d-unu de is logus prus abbitaus de is famíllias, pipius e pipiasant a partecipai ativamenti impari a is progetistas a s’operatzioni de “scritura colletiva”.