SARDU

Comunu de Santu 'Èngiu: Fonti: " Sangavinomonreale.net": Lunis 18 de Meseladàmini est inghitzau "STAC! Festival /Edizione Zero" , su festival spartzinau dedicau a is stúdius de artista in Sardigna chi sighit fintzas a sàbudu 6 de Donniasantu.

Cenàbara e sàbudu 22 - 23 de Meseladàmini, 29 – 30 de Meseladàmini e 5 – 6 de Donniasantu, inghitzat sa proposta "Studi Aperti", cun abbisitas aberta a totus is stúdius de is artistas sardus.

Su 29 – 30 de Meseladàmini, h. 17.30 – 20.30 ( de is cincu e mesu a is otu e mesu de a merí), si podit abbisitai su stúdiu de Daniela Frongia, in bia Ettore Majorana 13 in Santu 'Èngiu.

Cun "Studi Aperti", STAC! Bolit incurtzai su prus possíbbili is distàntzias intra de sa circa artística fedali e is tzitadinus, prumovendi e avalorendi sa preséntzia de is stúdius de artista cumenti a logus importantis de s'arti e de sa cultura de unu territóriu e de su patrimóniu culturali cosa sua.

S'intrada a is stúdius est permítia cun òbrigu de mascherina e ammostadura de sa Tzertificatzioni Birdi. Covid19 "Green Pass".

In su giassu de su Festival, intervistas, aprofundimentus e àteras informatzionis asuba de is acontéssius in programma.