SARDU

Províntzia de su Sud Sardigna e Comunu de Gùspini: Sa Províntzia de su Sud Sardigna e su Comunu de Gùspini in su cuntestu de su progetu "Sighidura de sa sperimentatzioni linguística", faint sciri a is tzitadinas e a is tzitadinus chi funt abertas is iscritzionis po su Cursu de Língua Sarda de I livellu (30 oras). Su cursu si fait in presèntzia in Gúspini in s’ex sedi de su GAL in Bia San Nicolò (a su costau de sa Biblioteca) e in su matessi tempus in sa piataforma ZOOM, at a inghitzai gióbia su 10 de Martzu 2022 h. 15,30 (tres e mesu). Is letzionis ddas fait sa Dot.ra Sonia Matta.

Po si iscriri ddoi at tempus fintzas a mesudì de su 09 de Martzu 2022.

Su cursu est a indonu, ca ddu finàntziat sa Regioni Autònoma de Sardigna cunforma a sa L. 482/99, Normas de amparu de is Minorias linguísticas stóricas", e a sa L.22/2018.

Totus podint abbitai su cursu ma custu no inghitzat si no ddoi at assumancu 20 iscritus, diaici cumenti arrecumandat sa Regione Sardigna, po custu motivu si cumbidant a si iscriri scéti is chi funt diaderus motivaus a sighiri su cursu in manera fitiana, ca desinuncas, si in s'interis mancat su númeru de is corsistas, tocat a truncai su cursu.

Is mollus de iscritzioni ddus podeis agatai in su giassu:a www.limbasardasudsardigna.it e ddus depeis mandai cumpilaus a: carla.asunis@comune.guspini.su.it

Su cursu est de 30 oras pratzias in 10 letzionis de 3 oras donniuna.

CALENDÀRIU DE IS LETZIONIS:

Giòbia su 10 de Martzu h. 15,30

Giòbia su 17 de Martzu h. 15,30

Giòbia su 24 de Martzu h. 15,30

Giòbia su 31 de Martzu h. 15,30

Giòbia su 07 de Abrili h. 15,30

Giòbia su 14 de Abrili h. 15,30

Giòbia su 21 de Abrili h. 15,30

Giòbia su 28 de Abrili h. 15,30

Giòbia su 5 de Maju h. 15,30

Giòbia su 12 de Maju h. 15,30