SARDU
Comunu de Santu Sparau: Si fait sciri a is chi funt interessaus ca est possíbbili partecipai a su “Cuncursu Literàriu Anselmo Spiga 2022” chi est lómpiu a sa de XIX editzionis.
Su Cuncursu est a indonu e abertu a totus.
Funt ammítias a su Cuncursu is òperas scritas in calisisiat varianti de sa língua sarda (cun óbbrigu de furriadura in italianu puru), in is atras línguas chi si chistionant in Sardigna e is òperas in língua italiana.
Su Cuncursu si pratzit in tres Setzionis principalis:
- Língua sarda: A. POESIA | B. PROSA
- Língua italiana: C. POESIA | D. PROSA
- Língua sarda po is iscolas: E. POESIA/PROSA
Is prémius po is primas duas setzionis funt:
-1° Prémiu: 300 €
-2° Prémiu: Ópera artística
-3° Prémiu: Libbrus
Su 1° Prémiu po sa de tres setzionis est unu Tour po totu sa classi de su bincidori in Santu Sparau
A chini bolit partecipai depit mandai su scritu suu (màssimu 15000 caràtiris is scritus in prosa e màssimu 50 peis sa poesia) e is documentus domandaus aintru de su 14 de Maju 2022 a s’indiritzu e-mail concorso.anselmospiga@gmail.com
Sa Tzerimònia de Premiatzioni s’at a fai impari a s’anteprima de su “Festival Cuncambias” in Santu Sparau (Casteddu), Domínigu su 17 de Meseargiolas 2022 a is 8 e mesu de a merii (20:30) in su “Spazio Antas Teatro” in Bia Arbarei 10 in Santu Sparau.
Po informatzionis e piessignus si cunsillat de castiai su Regulamentu cumpletu in alliongiau.