SARDU
Comunu de Gùspini: Est dedicau a sa Sardigna prenuràgica su de 32 Cunvénnius de archeologia organizau de su Grupu Archeológicu Neapolis cun s'agiudu de su Comunu de Gùspini e de su Parcu Geomineràriu e Ambientali de sa Sardigna.
Su primu de is atóbius, chi si faint in sa Sala de su Consillu de su Comunu de Gùspini, est su 16 de Martzu a is cincu e mesu de a merí (17,30) e arraxonat asuba de s'argumentu de is statueddas de sa "Dea Madre" in sa Sardigna neolítica.
16 de Martzu 17,30 ( cincu e mesu de a merí)
Is statueddas de sa "Dea Madre" in sa Sardigna neolítica.
Dot. G. Paglietti - Universidadi de Casteddu.
22 de Martzu 17,30 ( cincu e mesu de a merí)
Dolmen e domus de janas: monumentus funeràrius in sa Sardigna preistórica.
Dot. R. Cicilloni Universidadi de Casteddu.
30 de Martzu 17,30 ( cincu e mesu de a merí)
De sdorrobbu a produtzioni: sotziedadi e economia in sa Sardigna in su passàgiu meso-Neolíticu.
Prof. C. Lugliè - Universidadi de Casteddu.
In is matessis dís si podit biri s'ammusta " Genti de miniera ... arrastus e facis de su passau" fata imparis cun s'Assótziu Culturali "Sa Mena". Diaici su grupu etotu fueddat de s'ammusta: " S'Arcivu Stóricu de Gùspini s'at fruniu documentus pretziosus chi contant sa vida de is tzitadinus cosa sua, ma nosu eus scioberau su documentu de prus importu, s'únicu chi cuntenit datus importantis e identificativus de s'interessau, a parti s'immagini cosa sua: sa carta de identidadi. Custa ammusta e sa circa chi ddoi est a palas punnant a donai una cara e unu nómini a is medas chi in o po sa miniera ant trabballau.