SARDU
Comunu de Carbònia: Sàbudu 30 de Martzu, a is noioras mancu cuartu de a noti (20,45), su Teatru Tzentrali de Pratza Roma stràngiat su de 8 atóbius de sa rassínnia de prosa e dantza curada de su Cedac e de "Circuito Multidisciplinare dello Spettacolo Sardegna", cun s'agiudu económicu de su Comunu de Carbònia.
Protagonista de sa serada est Ascanio Celestini, atori, musicista e regista famau, chi portat in scena "Pueblo", segundu capítulu de sa trilogia inghitzada cun "Laika". S'atori romanu si movit in su mundu de is periferias degradadas e de is mercaus de bixinaus, contendi una stória caraterizada de personàgius diferentis chi, mancai siant fatuvatu in umbra, tenint unu rolu de importu in sa trama de "Pueblo": is immigraus, is chi funt postus a una parti, is imbriagonis e unu babbu chi imparat a sa filla a furai.
A su spetàculu de Ascanio Celestini dd'arricat sa música de su fisarmonitzista Gianluca Casadei, sa boxi de Ettore Celestini, su sonu de Andrea Pesce e is luxis a cura de Danilo Facco.
"Pueblo" est una produtzioni de "Romaeuropa Festival" e de "Teatro Stabile dell'Umbria".