SARDU
Comunu de Casteddu: S’Assessorau a sa Cultura e Spetàculu de su Comunu de Casteddu fait sciri ca sa mustra de diorami evangélicus e òperas sacras “Su fàscinu de su Misteru e s'incantu de s'infiniu”, in espositzioni in sa passillada Coberta de su Bastioni de Saint Remy, est trantzida fintzas a Domínigu 16 Gennàrgiu 2022, cun oràriu de vísita de is oras 10:00 a is oras 17:00.
In sa navada a manu bella de sa passillada ddoi est sa magia de su Nadali po mesu de 12 diorami pruscatotu a tema presepiali in prus de àteras òperas sacras, sculturas e pintaduras cussas puru ispiradas a is contus evangélicus.
Is diorami torrant a creai ambientatzionis in scala prus pitica impreandu sa técnica de sa prospetiva donendusí s’incantesimu de sa natividadi.
Funt fatus cun unus cantu stilis, materialis e técnicas de costrutzioni de ses artistas difarentis ca benint de sa Sardigna, de su Vènetu e de su Làtziu.
Sa mustra, apariciada de Orientare, cun sa collaboratzioni pretziosa de Massimiliano Tuveri e Cinzia Collu, ponnit in scena un’arti ca est espressioni de unu connotu ca benit de una manualidadi scienti innoi religioni, stória e folclori permitini de intrai aintru de sa scena ca si megat a castiai, rafigurada in ambientis e cun miradas realísticas meda.
A arricai ancora de prus s’allestimentu, unu vídeo de Francesco Casu de su 2004 ca si tzérriat “Filando stupore nel cielo”, una interpretatzioni multimediali de is presépius segundu sa poética de Maria Lai po torrai pipius a manera dilicada meda.
SCHEDA INFORMATIVA
Passillada Coberta Bastioni de Saint Remy
Dis e Oràrius: de su martis a su domínigu de is oras 10:00 a is 17:00
Prétziu de su billetu: interu 6 éurus – ridotu 3 éurus
Tel. 366.2562826, 070.6777900 - info@beniculturalicagliari.it – www.beniculturalicagliari.it
Po garantiri su contu de su púbblicu, in s’arrispetu de is normativas ca ci funt oi bellas po prevènniri sa spaniadura de su Covid–19, est necessàriu amostai su Green Pass po is cristianus de prus de 12 annus.
https://www.comune.cagliari.it/portale/page/it/prorogata_fino_al_16_gennaio_2022_il_fascino_del_mistero_e_lincanto_dellinfinito?contentId=NVT80472&fbclid=IwAR1U6EwbB42RHO-Mp1d-zjVb5vlhFrd-p0wGmMQ0JO8cKdbx1QNYSAl6RNU