SARDU

Comunu de Carbònia: Un’acontéssiu stravanau organizau de sa “Cooperativa Allevatori Sultitani” imparis

cun su Comunu de Carbònia, sa “Cooperativa Piccola Parigi” e su “Consórzio Network Etico”: gióbia 28 de Friaxu, a is noioras e mesu de a mengianu (9,30), is pipius de s’asilu Comunali “ I colori dell’Arcobaleno” smurzant gustendusí is prodotus friscus e sanus prodúsius de sa “Cooperativa Allevatori Sulcitani” de Sirai

Is pastoris, imparis a is maistas de s’asilu de bia Manzoni, donant a is pipieddus formaginus e gioddu de calidadi bona meda. “Est de una bidea meritória chi is allevadoris portant ainnantis po protestai in manera costrutiva contras a su probrema de su prétziu bàsciu de su lati, detzidendi de non nci scavulai su prodotu cosa insoru peri is bias, ma arregallendiddu a is pipius de sa tzitadi cosa nosta” at nau s’Assessori a is Atividadis produtivas Mauro Manca.

Cumenti a nau sa Síndighessa Paola Massidda “ S’Amministratzioni Comunali de Carbònia est a su costau de is pastoris e cuncordat cun su chi domandant e acotzas is chéscias/protestas cosa insoru, pruschetotu candu ddas faint cun civilidadi e in s’arrespetu de is arregulas. Sa proposta cumprida a favori de is pipius de s’asilu merescit unu tzacamanu po s’acostadura positiva e propositiva chi dda distinghit”.