SARDU
Comunu de Nuràminis: S’Amministratzioni Comunali de Nuràminis est prexada de si cumbidai totus, pipius, piciocus e is famíllias insoru, a su “Summer Party Night”, sa festa de acabbu de is atividadis istadialis chi si fait cenàbara su 29 de Meseargiolas de is 8 de a merii (20.00) in su Campu Sportivu Comunali.
At a èssiri unu merii arricu meda de spàssiu e música curada de sa truma de is “SuperAnimatori”. Ddoi ant a èssiri giogus gonfiàbbilis, mascotte e scurpiduras de palloneddus, tzúcuru filau e pop corn. S’ant a podi tirai fotografias de sa mongolfiera, nci at a èssiri unu spetàculu de maxia cómica e su famau Holi Color po ghetai in ària is pruineddus chi faint circhiollas. E po acabbai su merii de spàssiu nci at a èssiri su dj set.
Po intrai no si depit pagai nudda!