SARDU
Comunu de Solèminis: Solèminis, Domínigu su 19 de Friaxu 2023: scoberri is cantinas de su territóriu cumenti no ddas as bias mai innantis!
Ddoi at calincuna cosa de speciali in is cantinas…un’atmosfera corali e cullidora, unu logu innui su tempus parit ca s’est firmau e innui totus is ampuddas serrant una stória única.
PROGRAMMA CUMPLETU
Assaboramentu de is produtus típicus de su territóriu, amostas, esponiduras e trabballus de s’artesania.
Peri bias de sa bidda
Stentu musicali in movimentu a incuru de su Coru Polifónicu 'Is Concias' de Quartùciu,
Domu Lecis, Bia Roma 25
Wine Experience. Assaboramentu de binus diferentis a incuru de is “Tenute Pili”. Aintru de sa guarnissa spantosa de sa Domu Lecis s’at a podi tastai su binu apretziau de sa Cantina. In collabboratzioni cun sa Fondazione Italiana Sommelier Sardegna.
Traditzioni, stória e cultura – Logu innui si papat. Assaboramentu de produtus típicus de su territóriu a incuru de s’Assótziu Turísticu Pro Loco Solèminis. In collabboratzioni cun su “Gruppo Scout A.G.E.S” Patiolla/Sici.
Stentu musicali a incuru de su Sunset Duet e a sighiri sa música traditzionali a incuru de is sonadoris Matteo Piras (polistrumentista), Marco Bande (organetu) e Manuel Massa (canna sperrada).
Domu Corda Spada Wine experience, Bia Dritta, 2
Assaboramentu de binu a incuru de sa Sienda Vitivinícola Giuseppe Lecis. In s’antiga domu campidanesa “Corda Spada” si podit tastai su binu apretziau de sa Cantina. In collabboratzioni cun sa Fondazione Italiana Sommelier Sardegna.
Is traditzionis antigas – Logu innui si papat. Amostu e cumbidu de assaboramentu de is produtus típicus de su territóriu a incuru de s’Assótziu “Is Massaius de Santu Sidoru Solèminis”. Sa truma at amostai cumenti si fait su pani e dd’at a coi in su forru a linna.
Stentu musicali a incuru de su “Gruppo Folkloristico Is Messaius Barbusi – Sulcis”
Pratza Monte Granatico.
Logu innui si papat. Si faint is tzípulas chi is Pro Loco Uta e Solèminis cumbidant callentis callentis a is bisitadoris. Ammostu a is 10:00, coidura e spartzidura a is 4 de a merii (16.00)
Bia Emilio Lussu, Pinnigu de màchinas de època
Ammosta de màchinas e motocicretas de època a incuru de s’AMAME Pauli
Bia Chiesa, 18 a faci de su Munitzípiu, Museu Andera Parodi.
Gràtzias a su museu in movimentu si podint torrai a camminai totus is logus de sa stória de su sempri stimau Andrea Parodi e acabbussai in s’ascurtu de is cantzonis suas. A incuru de sa “Fondazione Andrea Parodi”
CAS, Amostas e esponiduras, bia Municipio 16.
Amosta de su corteddu sardu a incuru de is maistus de sa “Corporazione Sarda Coltellinai” de Núgoro
Oratóriu, Amostas e esponiduras, a faci de sa Crésia Parrochiali, bia Municipio.
Ammosta de bistiris de sposa fatus in is annus '50 e '90 de sa maista Lina Zucca Lecis