SARDU

Comunu Carbònia: In Carbònia singhint in s’interis de sa cida is tzelebratzionis de sa “Giornada de sa Memória”. Apustis de is medas propostas organizadas de is scolas tzitadinas, s’arregordu de is vítimas de s’Olocàustu (sperdidura) sighit cenàbara 31 de Gennaxu, a is úndixi de a mengianu (11.00) in su Teatru Tzentrali, cun s’organizatzioni de unu spetàculu a incuru de Assótziu Culturali –Teatrali “Quinte Emotive”, destinau a is studiantis de is scolas médias e de is scolas superioris, “Cun sa tarea de arregordai is vitimas de is persecutzioni s nazifascistas e de su genotzídiu ebràicu, sensibbilizendi in su matessi tempus is piciocheddus a is valoris de sa libbertadi, de sa paxi, de sa giustízia, de s’integratzioni e de sa democratzia” at nau sa Sindaghissa Paola Massidda.

Su spetàculu- prevídiu in unu primu momentu lunis 27 de Gennaxu 2020 est stétiu trentziu a su 31 de Gennaxu – si  intítulat “Il Processo” e est pigau in manera líbbera de “S’Istrutoria”, unu dramma documentàriu scritu de Peter Weiss apustis de ai biu su protzessu de Francoforte sul Meno, inghitzau in Meseidas 1963 e acabbau in Meseladàmini 1965. Est stétiu unu protzessu de importu mannu bófiu de sa Giustítzia tedesca contras a is gríminis de gherra fatus de is tedescus. “Il Processo” contatat in forma de oratóriu poéticu is fatus printzipalis de su protzessu, innui funt stétius imputaus 22 ufitzialis de is “SS”, cundennadas 17 personas e de custas 6 a s’ergastolu.

Su spetàculu est unu dramma chi contat sa prepoténtzia de s’Ómini, una de is paginas prus nieddas de sa stória otzidentali. In su lager s’ómini perdit s’identidadi cosa sua, su sentidu de curpa e de responsabbilidadi de s’indivíduu, amparau in manera formali  in cussus cumportamentus arrorosus de is leis de sa gherra e de is políticas de intzaras.

Su billetu de intrada costat 5 éurus.