SARDU
Comunu de Teulada: S'Ufìtziu de Língua Sarda de su Comunu de Teulada organizat gióbia 30 de Argiolas 2020, in sa Domu Baronali, in bia Parrocchia, a is otu de a merì (20.00), sa presentada de su líbburu " Riu Mannu. The Lan(d)guage Grabbing" de Michele Ladu. S'Ufítziu de Língua Sarda ddu finantziat sa Regione Autònoma de Sardigna cunformas a sa L.482/99 "Normas in materia de amparu de is minorias linguísticas stóricas".
Respetendi is normas de preventzioni contras a su Covid-19 s’intrada est cuntrollada e duncas po non fai ammuntonamentus, tocat a si prenotai mandendi una e-mail a: cultura.sarda2020@gmail o telefonendi a su númunu: 3890191709.
S'autori
Michele Ladu, de Ollolai, est nàsciu su 27 de Abrili 1975. At pigau sa làurea in filosofia in s'Universidadi de Casteddu in su 2000 giai de tempus trabballat po sa língua sarda, de su 2007 est operadore linguísticu de s'Ufítziu de sa Língua Sarda de sa Regioni Autònoma de Sardigna. At trabballau meda cun giornalis, televisionis e ràdius in sardu in prus de Internet. Est circadori in s'Universidadi asuba de sa didàtica de is línguas de minoria, at insenniau in Maistraxus universitàrius e cursus de sardu po dipendentis púbricus. Est inventori de "Iscolimba", su primu cursu de autoformatzioni in língua sarda e in prus est cordinadori editoriali de "Diariulimba", rivista digitali de "Sòtziu Limba Sarda", in su giassu www.sotziulimbasarda.net.
Un'àteru trabballu de Michele Ladu est su romanzu intitulau "S'arvule de sos sardos" ambientau in su tempus de is giudicaus e imprentau de Condaghes.