SARDU
Comunu de Biddacidru: Sa Marcialonga 2023 si fait su 23 de Abrili e est unu de is eventus insertau in su cartelloni diaderus arricu de ViviVerde.
Custu eventu dd'at organizau s'Amministratzioni comunali cun s'agiudu de sa Pro Loco Biddacidru, de sa Consulta de is Gióvunus de Biddacidru e is Ghias AIGAE, Genny Manca, Carlo Aru, Veronica Murgia.
Is percursus funt duus, unu crutzu de prus o mancu 5,5 Km e s'àteru, prus longu, de prus o mancu 8,5 Km. Ambaduus funt stétius pentzaus po avalorai sa bellesa de unus cantu puntus panoràmicus chi si atóbiant in su percursu eciseri.
S' atóbiu de is partitzipanti est fissau in Pratza Lavatoju a is h. 8:45 ( noioras mancu cuartu), si partit a is 9:15 (noioras e cuartu). Sa passillada acabbat cun s'arribbu a su Parcu de Castàngias, innui, sa Pro Loco e sa Consulta de is Gióvunus ant apariciau unu puntu de recreu.