SARDU
Comunu de Frùmini Majori: Lunis su 7 de Austu abbísita ghiada po scoberri sa maxía de su témpiu dedicau a su Sardus Pater, jazz e aperitivu in su giardinu de s’àrea de sosta de Antas cun Luca Sirigu Trio (Luca Sirigu pianoforti, Alessandro Canu bateria, Gianni Gadau bàsciu) e po acabbai impari a s'astrofísica Barbara Leo, s’at a castiai su celu, po circai is costellatzionis istadialis e is “Perseidis”, mellus connotas cumenti a steddus chi ndi arruint chi in cussas diis funt medas chi si faint a biri in su celu nostu.
Giai ca is postus no funt medas tocat a si prenotai in-línia crachendi in s’acàpiu innoi asuta https://fareharbor.com/embeds/book/startuno/items/482433/calendar/2023/08/?full-items=yes
Innoi su programma:
19.30: Iscritzioni
19.45: Abbísita ghiada
20.45: Jazz e aperitivu (anca ddoi est su chioscu)
21.45: Si càstiant is steddus
Costus
- Billetu po genti manna € 20,00
- Billetu a indonu po pipius fintzas a is 6 annus de edadi
Intrada cun prenotatzioni (is postus funt pagus) a is númerus 0781-580990 - 3478174989 o cun una e-mail a info@startuno.it
Si cunsillat de lompi puntualis, de s’ingolli una tórcia, de si bistiri a manera cómoda e callenti e de s’ingolli una stoja po si setzi in terra.
Si podit arricai sa giorronnada abbisitendi atrus logus de interessu ingunis acanta:
- Museu Etnogràficu - Antigu Molinu a àcua de su 1.700 chi allogat aintru ammostus bellus meda de su Museu Etnogràficu
- Grutas de Su Mannau cun prenotatzioni a su númeru 347541 3624
- Sa mena de Su Zurfuru cun prenotatzioni a su númeru 3400001995
- Sa Galleria Henry in Buggerru cun prenotatzioni a su númeru 3341442910