SARDU
Comunu de Tratalias: Su Sistema Bibliotecàriu Interurbanu de su Sulcis cun sa collaboratzioni de s'Amministratzioni Comunali cumbidant a partecipai a is "Appuntamenti del martedì" chi si faint in sa piataforma Zoom de su 9 de friàrgiu a su 02 de martzu 2021 a is 6 de merì e ant a essi trasmìtius in direta in sa pàgina Facebook de su SBIS.
Su poeta trataliesu Gianluca Lìndiri su 9 de friàrgiu arrexonat cun Eleonora Carta de s'ùrtimu romanzu thriller cosa sua "Piani inclinati", su 16 de friàrgiu in pari a s'autori Daniele Aristarco presentat su lìburu po piciocus "Corso di filosofia in tre secondi e un decimo", pustis su 23 de friàrgiu tocat a Daniele Mocci cun "L'ultimo giorno di primavera" e "Cagliari 1970 oltre la leggenda". Su 2 de martzu serrat is atòbius Massimo Carlotto chi at a contai a comenti ant criau sa sèrie televisiva "L'alligatore" chi nascit pròpiu de su personàgiu literàriu imbentau de su scritori paduanu.