SARDU
Comunu de Senobrì e Ortacesus: Su primu apuntamentu de atóngiu a indonu cun su turismu sperientziali in Trexenta est sàbudu su 19 de Donniasantu in is biddas de Senobrì e Ortacesus. S’ant a strangiai in una guarnissa spantosa de sintzillesa po ammirai e connosci unus cantu de logus archeológicus de is prus importantis de su territóriu insoru, cumbidendisí a passai impari una dii speciali de traditzionis antigas, de cultura e de spàssiu.
Su programma:
Senobrì - in collabboratzioni cun sa Coop. Sa Domu Nosta
9:30 Necrópoli de Monti Luna. Smurzu de benibeniu cun is drucis prus connotus de Senobrì, is pistocus de su “Biscottificio Loi Zedda” e is turtas de “Manu’s in Pasta”.
Abbísita ghiada in su sítiu archeológicu.
11:00 Abbísita in su Museu Archeológicu “Sa Domu Nosta”.
11,45 Domu Lonis. Tastadura ghiada cun Augusto Sitzia e Antonio Manca, de sa Cantina Trexenta, apitzus de is caraterísticas de is binus e cumenti si podint acostai a sa cosa de papai típica de su territóriu: ollu prodúsiu de su “Oleificio Pardu” tastau asuba de pani arridau, casu de sa sienda “F.lli Sirigu”, is culurgiones de “Manu’s in Pasta” e binus de sa Cantina Trexenta.
Pàsiu de s’ora de prandi cun is propostas de unus cantu restorantis de su territóriu.
Ortacesus - in collabboratzioni cun sa Coop. Su Corongiu.
15:00 Necrópoli de Mitza de Siddi, abbísita ghiada.
16:00 Abbísita ghiada in su Museu de su Trigu.
Labboratóriu po imparai a fai su pani traditzionali e su casu.
18:00 Museu de su Trigu, “La filigrana d’oro e il mito delle Janas”.
Biaxi fotogràficu po scoberri is janas e is prendas de filugranu realizaus de su maistu oreri Pierandrea Carta de Casteddu cun sa projetadura de is trabballus in su maxischermu. Boxi chi contat de Daniela Deidda; ripresas aèreas de Maurizio Cossu; fotografias e fueddus de Nicola Castangia.
Ant a sighiri – Esibitzioni de su musicheri Andrea Puddu cun sa partecipatzioni de su “Gruppo Folk Santa Maria Guasila”.
Aperitivu de serrada cun tastadura de su pani apena bogau de su forru e casu de su casefíciu Serra.
Po ndi sciri de prus: 3661944444