SARDU

Comunu de U Pàize: Sa de 18 editzionis de su Girotonno. Un'acontéssiu susteníbbili. Su Girotonno de su 2020, sa de 18 editzionis, est un'acontéssiu susteníbbili e s'impínniu faci a sa sustenibbilidadi est tzertificau cunformas a su standard internatzionali ISO 20121, sa norma chi disciplinat sa sustenibbilidadi de sa gestioni de is acontéssius. Cun s'agiudu de su "FLAG Sardegna Sud Occidentale", agentzia po su svilupu de su territóriu costieru de sa Meurreddia-Igresienti, s'Amministratzioni Comunali de U Pàize at inghitzau unu sistema de gestioni ambientali de s'acontéssiu e at nominau unu responsàbbili internu, chi sighit imparis a unu grupu de spertus ténnicus, s'impostatzioni e su sboddicamentu de is fasis organizativas de su Girotonno.

A parti sa susteníbbilidadi, su Girotonno 2020 tenit su cómpitu de afortiai is aspetus culturalis e prus distintivus de su territóriu de U Pàize chi pertocant sa stória, sa traditzioni de sa coxina e de sa produtzioni de s'Ísula de Santu Perdu (Uisa de San Pè).

S'editzioni de su 2020 de GIROTONNO est intra de is primus acontéssiu tzertificaus in Regioni Sardigna.

Cenàbara 6 de Meseidas, de is tres a is ses de a merí in sa sala de su ExMe nc'est su "Workshop" dedicau a s'inghitzu de is trabballus de su GIROTONNO 2020. Sa de 18 editzionis.

S'atóbiu, innui funt presentis is rapresentantis de sa Giunta e de sa stutura ténnica de s'Amministratzioni Comunali de U Pàize, su Presidenti e sa Diretora cun is cunsulentis de su FLAG ISO, est s'ocasioni po ativai cun is atoris localis su percursu de stúdiu e progetatzioni partitzipada chi punnat a s'avaloramentu de su GIROTONNO in términis de susteníbbilidadi ambientali, sotziali e económica e po ammostai sa strategia de svilupu turísticu de su territóriu, prumóvia de su FLAG ISO.

Is atividadis de sa manifestatzioni si fundant asuba de una Política de Susteníbbilidadi chi ghiat is scioberus organizativus circhendi de aciapai solutzionis chi, su prus possíbbili, non portint dannu a s'ambienti e téngiant, intamis, unu balori sotziali e prumotzionali de su territóriu artu.

Totus is operadoris turísticus, is posaderis, is referentis de is assótzius culturalis, is ghias, is operadoris de servítzius, e totu sa comunidadi est cumbidada a pigai parti a su "workshop" (grupu de stúdiu)  de su 6 de Meseidas e a is primus operatzionis de inghitzu de s'acontéssiu po si cunfrontai asuba de is propostas chi permitint un' avaloramentu prus mannu de is aspetus ambientalis e sotzialis e de prumotzioni de su territóriu.

Po àteras sceras càstia sa setzioni dedicada a sa susteníbbilidadi in su giassu: www.girotonno.it