SARDU

Comunu de Ussaramanna: Fonti: L'Unione Sarda - Pusticrasi in Ussaramanna is bisitadoris podint intendi su nuscu de sa castàngia arrustu in is bias de su tzentru stóricu. Ma podint tastai puru su binu de is cantinas de sa Marmilla e scoberri sa stória e is cumpeténtzias sa bidda. Sa rassínnia “Sapori d’Autunno”, atóbiu traditzionali de acabbu de annu in Ussaramanna, domínigu lompit a sa de 5 editzionis cun sa regia de su Comunu e de sa Pro loco e cun s’agiudu de àterus assótzius localis. A is dexi de a mengianu (10.00) in sa Domu Altea arremonadura  nuràgica a incuru de su grupu “Memoriae Milites” e a is dexi e mesu de a mengianu (10.30) s’organetu de Luca e Fabiano.

Sémpiri a is dexi e mesu de a mengianu (10.30) in Domu Caria ddoi at unu labboratóriu asuba de su casu e a is úndixi e mesu (11.30) intamis,  in  Domu Accalai ndi ddoi at unu asuba de su pani. De mesudí (12.00) ddoi at  medas logus po papai, in is Domus: Accalai; Altea; Podda e Caria e sa tastadura de is binus de is cantinas: Lilliu e Pedra Niedda. A is tres de a meigama (15.00),  in is bias de su tzentru stóricu, ddoi at música cun Ignazio Mura, a is tres e mesu de a meigama (15.30) in Pratza Santa Maria nc’est sa cummédia “Moi Moi froru, scedada de coru miu” de su “Teatro Marmilla.

De is cuatru e mesu de a merí (16.00) is “Tamburinos” de Gavoi e “S’Urtzu” e “Is Sonàggionis” de Ortueri, momentus de màscaras e costumus de su connotu, chi sighit fintzas a is ses de a merí (18.30) in su Parcu Funtanedda cun is baddus sardus.

A s’acabbu, a is seti de a merí (19.00) sa cena de sa Pro Loco.

Po totu sa dí  si podit abbisitai s’ammusta asuba de sa ferrovia sarda in Domu Zedda, proposta de s’assótziu “Ferrovie Ridotte Sarde”.