Comunu de Carbònia: Si intítulat “Riccardo 3: l’avversario”, su de 5 atóbius de sa stagioni de prosa, dantza e música organizada de su Cedac cun s’agiudu, económicu puru, de su Comunu de Carbònia, in programma sàbudu 15 de Friaxu a is noioras  mancu cuartu (20.45) in su Teatru Tzentrali de Pratza Roma.

Comunu de Nuradda, Stersili, Nuragus, Seulu, Isili: Custu mesi, in is iscolas e in is bibliotecas de su Sarcidanu – Barbàgia de Seulu, su Sportellu Linguìsticu, in collaboratzioni cun is bibliotecas, atòbiat is pipius, mannus e piticus,  aparicendi unus cantu de laboratòrius in lìngua sarda.

Comunu de Gonnos: Fonti: "La Gazzetta del Medio Campidano" : Sàbudu 15 e domínigu 16 de Friaxu, a incuru de s’Atzioni Católica, ddoi at Sa Festa de su Durci.

Comunu de Gùspini:  Banderas a mes’asta po “Sa Dí de s’Arregordu”: una solennidadi tzivili natzionali italiana, istituida cun sa L. 30 Martzu 2004 n.92 e afestada su 10 de Friaxu de dónnia annu. S’istitutzioni de Sa Dí de s’Arregordu nascit de sa voluntadi de non scaresci e de annoai “Sa Memória de sa tragédia de is italianus e de totus is mortus de is foibas, de su disterru de is istrianus, de is fiumanus e de is dalmatas italianus de is terras cosa insoru in s’interis de sa 2° Guerra Mundiali.

Comunu de Biddaspitziosa: Su Comunu de Biddaspitziosa paris cun sa Pro Loco Biddaspitziosa, sa Consulta de is Antzianus e su Comitau de s’Assunta presentat su programma po su Canciofali Spitziotzesu 2020.

Comunu de Seddori: Su Comunu de Seddori, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L.482/99 "Normas in matéria de amparu de is minorias linguísticas storicas", fait sciri a is tzitadinus chi in custu Comunu si fait su labboratóriu de Língua Sarda po pipius  “Fueddaiddu su Sardu” chi inghitzat lunis su 2 de Martzu 2020 a is cuatru de a merí (16.00) in sa Biblioteca Comunali, in su Polu Culturali.

Comunu de Gùspini: Domu Murgia aberrit a su púbricu e atividadis nobas. Pigat vida s’acórdiu fatu intra de s’Amministratzioni Comunali cun “Caleidoscopio Associazione d’Arte e Cultura”. S’assótziu nou si ocupat de arti in totus is formas e espressionis diferentis cosa sua. Atóbiu su 1° e su 2 de Friaxu 2020 de is cuatru a is otu de a merí (16.00 – 20.00) in Domu Murgia, Gùspini angulu bia Dante – bia Petrarca.

Comunu de Santu 'Êngiu: Fonti: "La Gazzatta del Medio Campidano": “Il Piccolo Teatro Umoristico” presentat s’ammusta fotografica “Visioni”. Domínigu 2 de Friaxu, a inghitzai de is cuatru de a merí, in is aposentus de sa Pro Locu in Pratza Della Resistenza a Santu ‘Èngiu , nc’est s’ammosta de is fotografias de Manuela Gemmi.