Comunu de Casteddu: Mércuris 13 de Donniasantu, a is ses de a merí (18.00) in sa MEM, Mediateca de su Mediterraneu, in sa sala tzineteca, nc’est s’atóbiu “Il lato oscuro dei Beni Culturali” scrucullu asuba de is cunditzionis de trabballu in su setori.

Comunu de Gùspini: Su Comitau “San Nicolò Guspini” at organizau po su de duus annus de sighiu sa “Caccia al tesoro San Nicolò”. S’acontéssiu si fait domínigu 8 de Meseidas 2019 peri is bias de Gùspini e aroru. Is iscritzionis, faint sciri is organizadoris, si serrant su 16 de Donniasantu 2019.

Comunu de Casteddu: Difiniu su programma de is propostas culturalis de sa MEM po sa cida chi andat de su 11 a su 17 de Donniasantu. Mediateca de su Mediterraneu, bia Mameli 164, Casteddu.

Comunu de Gùspini: Inghitzat oi sa filera de atóbius fomativus e spartzinadoris de caràtiri ténnicu in su cumpartu latieru-caseàriu organizau in Gùspini de s’Agentzia Regionali “Laore”.Is 19 atóbius funt programmaus in su períodu chi andat de su 12 de Donniasantu 2019 fintzas a su 30 de Gennaxu 2020.

Comunu de Gùspini: Martis 19 de Donniasantu 2019, a is otu de a merí (20.00), in su tzentru de is Domus a Corti, s’Assessorau a is Servítzius Sotzialis de su Comunu de Gùspini, po mediu de su Tzentru de Agregatzioni Sotziali e Sa Coperativa “Laurus” organizat “Quiz Dr Why” unu giogu multimediali. Is iscritzionis scadint su 15 de Donniasantu 2019.

Comunu de Quartu Sant'Aleni: S'atóbiu est lunis 11 de Donniasantu, a is 9,00 (noioras de a mengianu), in s'Àula Magna de sa scola média de bia Is Pardinas. S'autori, Andrea Pau Melis presentat su líbburu: "Fiume Europa" e fueddat cun is piciocheddus de is crassis 3^, setzionis: A, B, C, D, E.

Comunu de Samassi: Intra de Donniasantu 2019 – Martzu 2020, po is babbus e mammas e a is mannus interessaus a is argumentus de s’educatzioni, S’Assessorau a is Políticas Sotzialis prumovit unus cantu atóbius formativus/informativus.

Comunu de Donori: Presentada de su líbburu: "L'Isola delle anime" de Piergiorgio Pulixi.