Comunu de Carbònia: De gióbia 17 fintzas a domínigu 20 de Meseladàmini  2019 in Carbònia  nc’est sa festa de su patronu Gesù Divino Operaio. In su cuntestu de is afestus tzivilis si sinnalat sa rapresentatzioni “Una matassa imbrogliata” , chi si fait sàbudu 19 de Meseladàmini 2019, a is noioras de a noti (21,00) in su “Teatro Centrale” de Pratza Roma.

Comunu de Santu Antiogu: Domínigu 20 de Meseladàmini 2019 a is dexi de a mengianu (10,00), su Comunu de Santu Antiogu organizat un’acontéssiu púbricu de inauguratzioni de su caminu naturalísticu Serra Is Tres Portus.

Comunu de Serrenti: Sàbudu 19 de Meseladàmini, a is ses de a merí, presentada e primu letzioni in su Maceddu béciu. A incuru de Annarosa Corda e Daniela Musio.

Comunu de Bidda Matzràxia: Festa de s'Olia.  19 - 20 de Meseladàmini 2019

Comunu de Biddaramosa: S'Amministratzioni Comunali imparis cun is Assótzius de su territóriu at organizau sa de 5 Editzionis de"Sapori d'Autunno".

S'acontéssiu diaderus arricu meda si fait su 19 e su 20 de Meseladàmini.

Comunu de Igrèsias: S'Assótziu Culturali "Mariposa" imparis cun s'Amministratzioni Comunali de sa tzitadi de Igrèsias organizat "Sa de 5 Ammostas 2019".

Comunu de Gùspini: Cenàbara 18 de Meseladàmini nc'est sa presentada de su líbburu "Cincu milla francu e un abbracio".

Comunu de Biddacidru: Su 17 de Meseladàmini 2019, s'Assótziu Culturali "Luna Scarlata" imparis a su Comunu de Biddacidru e a su Sistema Bibliotecàriu "Monte Linas"- Províntzia de su Sud Sardigna organizat: "Il compagno di viaggio.Omaggio a Camilleri" una letura-cuntzertu po arregodai e fai unu donu a su scritori mortu de pagu tempus .