Comunu de Gùspini: Sa Biblioteca Comunali de Gùspini tenit su prexeri de presentai su primu romanzu de Sebastian Ruggiero: “Intrigo sull’Olimpo”. S’apuntamentu est sàbudu su 24 de Làmpadas a is 6 e mesu de a merii (18.30) aintru de sa Biblioteca Comunali de Gùspini, in bia San Nicolò 9.

Comunu de Gùspini: Cenàbara su 23 de Làmpadas 2023 in is Giardinus Púbblicus Joyce Lussu, in bia Guglielmo Marconi de is 7 e mesu de a merii a a is 2 de chitzi (19:30 - 02:00) torrat sa de duas bortas in Gùspini sa "Festa europea de sa Música" – lómpia a sa de 29 editzionis suas.

Comunu de Serrenti: Su Comunu de Serrenti paris cun su Consórtziu Territoriali Network Etico Italia, aparíciat duas andadas po minoreddus de is 6 a is 14 anus. Podint partetzipai unu màssimu de 40 minoreddus in dónnia andada e is domandas s’ant a arriciri sighendi s’órdini cumenti lómpint. S’atóbiu po ambeduas is andadas est a is 8 e mesu de a mengianu in sa bia Gramsci, a faci de sa scola, e si fúrriat a is 6 de a merii (18.00).

Comunu de Gùspini: In s’aposentu de su consillu de su Comunu de Gùspini sàbudu su 10 de Làmpadas a is 5 e mesu de a merii (17,30) s’at a presentai su libru de Andrea Pubusa “Da Angioy a Lussu”. S’atóbiu ddu aparíciat su Tzírculu Arci de Gùspini paris cun su “Gruppo Archeologico Neapolis”, cun s’amparu de su Comunu de Gùspini.

Comunu de Mara Arbarei: Sa dii chi si fait s’acontèssiu “Primavera in Marmilla – Monumentus e Saboris”, s’11 de làmpadas 2023, sa Pro Loco Mara Arbarei presentat sa primu editzioni de sa “Sagra de sa Frégula”, dedicada a una pitàntzia típica de sa coxina de su connotu de sa Províntzia de su Campidanu de Mesu.

Comunu de Mara Arbarei: Sa Pro Loco Mara Arbarei stràngiat domínigu s’11 de Làmpadas 2023 “Primavera in Marmilla - Monumentus e Saboris”.

Províntzia de su Sud Sardigna: In su cuntestu de is atividadis culturalis de sa Províntzia de su Sud Sardigna, s'assótziu Sarditinera onlus organizat, po domínigu 18 de Làmparas 2023, un'abbisita a su Parcu e is arruinas de su Casteddu Aymerich, Villa Sulis, Palàtziu Aymeriche a is aposentus espositivus de su Museu de is “Menhir”, in Làconi. Is postus a dispositzioni funt 25 e po si prenotai ddoi at tempus fintzas a is 13:00 de gióbia 15 de Làmparas 2023. S'abbisita est a indonu.

Comunu de Nuràminis: Is “Kenz'e Kriteriu Bikers” aparíciant su 1° Torneu de Calcetu KK, cenàbara su 17 de Làmpadas 2023, totu in unu noti, in su Campetu de bia Satta, in Nuràminis. Is iscritzionis a su torneu scadint su 10 de Làmpadas, e su costu est de 150€ po 10 giogadoris in dónnia scuadra.