Comunu de Seddori: Su Comunu de Seddori, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L.482/99 "Normas in matéria de amparu de is minorias linguísticas storicas", fait sciri a is tzitadinus chi in custu Comunu si fait su labboratóriu de Língua Sarda po pipius  “Fueddaiddu su Sardu” chi inghitzat lunis su 2 de Martzu 2020 a is cuatru de a merí (16.00) in sa Biblioteca Comunali, in su Polu Culturali.

Comunu de Gùspini: Domu Murgia aberrit a su púbricu e atividadis nobas. Pigat vida s’acórdiu fatu intra de s’Amministratzioni Comunali cun “Caleidoscopio Associazione d’Arte e Cultura”. S’assótziu nou si ocupat de arti in totus is formas e espressionis diferentis cosa sua. Atóbiu su 1° e su 2 de Friaxu 2020 de is cuatru a is otu de a merí (16.00 – 20.00) in Domu Murgia, Gùspini angulu bia Dante – bia Petrarca.

Comunu de Santu 'Êngiu: Fonti: "La Gazzatta del Medio Campidano": “Il Piccolo Teatro Umoristico” presentat s’ammusta fotografica “Visioni”. Domínigu 2 de Friaxu, a inghitzai de is cuatru de a merí, in is aposentus de sa Pro Locu in Pratza Della Resistenza a Santu ‘Èngiu , nc’est s’ammosta de is fotografias de Manuela Gemmi.

Comunu de Biddanoa de Forru: Cenàbara 31 de Gennaxu 2020, in sa Biblioteca Comunali, a is cincu e mesu de a merí (17.30)  nc'est sa presentada de su socumentàriu de su regista Piero Tatti: " Su Piriciò" cumpriu  in ocasioni de sa de 8 editzionis de "Su Prició" fata in su mesi de Donniasantu 2019.

Comunu de Carbònia: Sa candidadura de Carbònia a Capitali Italiana de sa Cultura 2021 est un’ocasioni de importu chi donat prestígiu a sa tzitadi cosa nosta a livellu regionali e natzionali. Ddu cunfirmat puru sa preséntzia de unu grupu de su “Tg3 Sardegna”, chi cenàbara 31 de Gennaxu trasmitit in direta de Pratza Roma, a is seti e mesu de a mengianu (07.30), sa puntada de “Buongiorno Regione”.

Comunu de Carbònia: S’arregordu de is vítimas de s’Olocàustu sighit cenàbara 31 de Gennaxu, a is úndixi de a mengianu (11.00) in su Teatru Tzentrali, cun s’organizatzioni de unu spetàculu a incuru de Assótziu Culturali –Teatrali “Quinte Emotive”. Su spetàculu- prevídiu in unu primu momentu lunis 27 de Gennaxu 2020 est stétiu trentziu a su 31 de Gennaxu – si  intítulat “Il Processo” e est pigau in manera líbbera de “L’Istrutoria”, unu dramma documentàriu scritu de Peter Weiss apustis de ai biu su protzessu de Francoforte sul Meno, inghitzau in Meseidas 1963 e acabbau in Meseladàmini 1965.

Comunu de Biddaspitziosa: Su Comunu de Biddaspitziosa, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L.482/99, fait sciri a is tzitadinus chi de 24 de Gennaxu 2020  fintzas a su 4 de Maju 2020 est ativu s' Ufítziu de Língua Sarda.

Comunu de Gùspini: Su 27 de Gennaxu est sa "Giornada de sa Memoria". Medas is propostas chi su Comunu de Gùspini at organizau po arremonai is acontéssius tràgicus acapiaus a sa Shoa. " S'indiferéntzia est prus crupau de sa violéntzia etotu. Est s'apatia morali de chi si furriat a s'àtera parti. Sa Memória serbit cumenti a vatzinu contras a s'indiferéntzia" – Liliana Segre