Comunu de Gùspini: Su 21 de Donniasantu, su Sistema Bibliotecàriu Monti Linas presentat "MLOL" , su sistema de edícula digitali chi permitit  de ligi prus de 7000 giornalis.

Comunu de Santu Perdu: Su progetu: "Prevenzione: valutazione e stimolazione cognitiva negli anziani" finantziau de sa "Fondazione di Sardegna" tenit sa tarea de creai una "Palestra po su ciorbeddu" innui allenai is abbilidadis cognitivas e prevenni duncas s'abasciamentu cosa insoru. Sa partitzipatzioni est a indonu. Is domandas tocat a ddas presentai a s'Ufítziu Protocollu de su Comunu aintru de su 20 de Donniasantu 2019.

Comunu de Serdiana: S'Amministratzioni Comunali organizat unu cursu de ingresu po 20 pessonas. Su cursu est a indonu. Sa scadéntzia improrogàbbili po sa presentada de is iscritzionis est su 21 de Donniasantu 2019.

Comunu de Silius: Su 19 de Donniasantu 2019, su Comunu de Silius organizat: " L'ambiente siamo noi" una giornada ecológica dedicada a is piciocheddus de sa scola média.

Comunu de Lòcula: S'Amministratzioni Comunali de Lòcula imparis cun is insenniantis: Maria Grazia Secci e Rosanna Massidda, cun sa Biblioteca Comunali e sa domu museu "Sa domo de Sas Artes e de sos mestieris" at organizau unu labboratóriu po avalorai sa produtzioni e sa trabballadura de sa modditzi: "Olio di Lentisco: dalla raccolta all'estrazione".  Su labboratóriu, chi interessat mannus e piticus, est pretziu in 4 atóbius chi si faint su 20 - 23 - 27 e 30 de Donniasantu 2019.

Comunu de Igrèsias: Sa “ConsutAnzianIglesias” e sa “Associazione Diabete Iglesias-Carbonia” organizant domínigu 17 de Donniasantu 2019 sa “2^ Passeggiata della Salute”.

Comunu de Seurgus Donigala:Su 17 de Donniasantu 2019, su Comunu de Seurgus Donigala stràngiat sa manifestatzioni “Saboris Antigus”chi tenit cumenti a filu condusidori “artis, mestieris e costumàntzias chi si intramassant cun is connoscéntzias antigas e is saboris de su territóriu.

Comunu de Pabillonis: Fonti: Cagliari Post -  FINS - Federatzione Isport Natzionale Sardu - presentat: "Natzionalis  - Sa festa de is natzionalis sardas". Po is isport funt presentis is rapresentantis de is disciplinas cumenti a su fúbbalu, "Hunter Field Targhet", "Powerlifting" e "Wing Chun" ma nci funt puru is giogus de mesa nàscius in Sardigna, cumenti a "Tancas" e "Spuntino". Doi at tempus po su spàssiu puru, difatis ddoi at giogus po is pius e apustis de cena música cun DrDrer&Alex P. e Bujumannu.