Comunu de Is Pratzas: In Is Pratzas si fait domínigu 20 de Meseladàmini 2019 sa de 14 Editzionis de " La sagra dei Legumi"  de is Pratzas, in Marmidda, territóriu chi de sempiri est acapiau a sa coltivatzioni de is legúminis ( a parti su trigu).

Comunu de Carbònia: Su 20 de Meseladàmini 2019, in ocasioni de “La settimana del Pianeta Terra”, su “Museo dei Paleoambienti Sulcitani” (PAS) Martel si cambiat in unu campu scola giurassicu, innui is pipius de is 6 annus in susu intrant a fai parti de una grefa paleontológica chi torrat a fai a bessiri a pillu su scheletru de unu dinosauru a mannaria naturali.

Comunu de Igrèsias: S’Assótziu Culturali “Logos” – Igrèsias, sa Pro Loco e sa “Fondazione Cammino Minerario di Santa Barbara” imparis cun s’Amministratzioni Comunali  de sa tzitadi de Igrèsias, organizant “Su de 19 Prémius Natzionalis de Poesia” chi si fait 19 de Meseladàmini 2019.

Comunu de Carbònia: De gióbia 17 fintzas a domínigu 20 de Meseladàmini  2019 in Carbònia  nc’est sa festa de su patronu Gesù Divino Operaio. In su cuntestu de is afestus tzivilis si sinnalat sa rapresentatzioni “Una matassa imbrogliata” , chi si fait sàbudu 19 de Meseladàmini 2019, a is noioras de a noti (21,00) in su “Teatro Centrale” de Pratza Roma.

Comunu de Santu Antiogu: Domínigu 20 de Meseladàmini 2019 a is dexi de a mengianu (10,00), su Comunu de Santu Antiogu organizat un’acontéssiu púbricu de inauguratzioni de su caminu naturalísticu Serra Is Tres Portus.

Comunu de Serrenti: Sàbudu 19 de Meseladàmini, a is ses de a merí, presentada e primu letzioni in su Maceddu béciu. A incuru de Annarosa Corda e Daniela Musio.

Comunu de Bidda Matzràxia: Festa de s'Olia.  19 - 20 de Meseladàmini 2019

Comunu de Biddaramosa: S'Amministratzioni Comunali imparis cun is Assótzius de su territóriu at organizau sa de 5 Editzionis de"Sapori d'Autunno".

S'acontéssiu diaderus arricu meda si fait su 19 e su 20 de Meseladàmini.