Comunu de Serramanna: Su 2 de Martzu nc'est un'atóbiu po fueddai de s'alimentadura in su sport.

Comunu de Carbònia: Su Comunu de Carbònia imparis cun sa Pro Loco e su Tzentru Italianu de sa Cultura de su Carboni (CICC) organizat po domínigu 3 de Martzu 2019 sa sfilada costumada  de Carnevali.

Comunu de Carbònia: Su Comunu de Carbònia acunsentit a sa proposta "M'illumino di meno" sa giornada de su rispàrmiu energéticu e de is stilis de vida susteníbbilis, chi si fait crasi cenàbara 1° de Martzu.

Comunu de Carbònia: Festa manna custu mengianu po s'acontéssiu "Su smurzu cun is pastoris in s'asilu". Tantis pipius in s'asilu de bia Manzoni ant pótziu gustai is liconias donadas de sa "Cooperativa Allevatori Sulcitani".

Comunu de Carbònia: Sa Setzioni de Stória Locali de su Sistema Bibliotecàriu de sa Maurredia (SBIS) fait 30 annus e crasi, cenàbara 1° de Martzu, a is cincu e mesu de a merí (17,30), in sa sea de sa "Officina Meccanica" bécia, chi s'agatat anche sa Grandu Miniera de Serbariu, in s'interis de su cunvénniu intitulau "La Setzione di Storia Locale si racconta ..." si afestat cust'anniversàriu de importu mannu.

Comunu de Senorbì: Is datas previdias po is sfiladas funt: sàbudu 2 de Martzu in Arixi, martis 5 de Martzu in Senorbì e domínigu 10 de Martzu si serrat su carnevali senorbiesu.

Comunu de Setzu: Su 2 de Martzu in su Tzentru de Agregatzioni Sotziali nc'est sa festa de Carnevali.

Comunu de Carbònia: Su 28 de Friaxu, a is cincu de a merí (17,00), in sa Biblioteca de arburada Arsia, ddoi at un'atóbiu nou cun sa rassínnia "Carbonia Scrive", organizada de su Comunu de Carbònia imparis cun su Sbis (Sistema Bibliotecàriu Interurbanu de sa Maurreddia ). In s'interis nc'est sa presentada de su líbburu de Salvatore Capra " Le calze di Timişoara".