SARDU

Comunu de Murera: S'arti de is Muralis sboddicat una funtzioni artística, sotziali, stórica e política manna in virtudi de su valori identitàriu chi custa forma de espressioni tenit in Sardigna.  Su progetu "Camminus de identidadi" punnat a donai unu strúmbulu nou a custa forma de arti in Murera previdendi, de una parti, de torrai a cualificai is murales chi giai esistint e, de s'àtera,  de fai muralis nous. Custu progetu  fait parti de su progetu prus mannu chi punnat a torrai a cualificai su tzentru stóricu e bia Roma chi  inghitzat in su 2019. Fai bessiri prus pretziosas is bias de su tzentru stóricu cun is muralis, in prus, strumbulat su turismu culturali e esperientziali, difatis una parti de turismu est sémpiri prus interessau a s'identidadi culturali de su chi bisitat. Custu interventu est possíbbili scéti gràtzias a su trabballu  cun is assótzius o comitaus chi bolint partitzipai a su bandu e a is tzitadinus privaus, difatis, a custus ddis pregontaus de ponni a dispositzioni is fatziadas de is domus cosa insoru po strangiai is muralis nous.

Is muralis depint respetai s'argumentu de s'identidadi locali: artesania, música, costumus, mestieris, personàgius nodius de sa comunidadi cumenti a Francesca Sanna Sulis.

Is domandas de partitzipatzioni tocat a ddas presentai a s'Ufítziu Protocollu de su Comunu de Murera aintru de is 11,00 (úndixi de a mengianu)  de su 11 de Martzu 2019.

Càstia sa documentatzioni acapiada.