Comunu de Serrenti: Su Comunu de Serrenti paris cun su Consórtziu Territoriali Network Etico Italia, aparíciat duas andadas po minoreddus de is 6 a is 14 anus. Podint partetzipai unu màssimu de 40 minoreddus in dónnia andada e is domandas s’ant a arriciri sighendi s’órdini cumenti lómpint. S’atóbiu po ambeduas is andadas est a is 8 e mesu de a mengianu in sa bia Gramsci, a faci de sa scola, e si fúrriat a is 6 de a merii (18.00).

Comunu de Gùspini: In s’aposentu de su consillu de su Comunu de Gùspini sàbudu su 10 de Làmpadas a is 5 e mesu de a merii (17,30) s’at a presentai su libru de Andrea Pubusa “Da Angioy a Lussu”. S’atóbiu ddu aparíciat su Tzírculu Arci de Gùspini paris cun su “Gruppo Archeologico Neapolis”, cun s’amparu de su Comunu de Gùspini.

Comunu de Mara Arbarei: Sa dii chi si fait s’acontèssiu “Primavera in Marmilla – Monumentus e Saboris”, s’11 de làmpadas 2023, sa Pro Loco Mara Arbarei presentat sa primu editzioni de sa “Sagra de sa Frégula”, dedicada a una pitàntzia típica de sa coxina de su connotu de sa Províntzia de su Campidanu de Mesu.

Comunu de Mara Arbarei: Sa Pro Loco Mara Arbarei stràngiat domínigu s’11 de Làmpadas 2023 “Primavera in Marmilla - Monumentus e Saboris”.

Comunu de Nuràminis: Is “Kenz'e Kriteriu Bikers” aparíciant su 1° Torneu de Calcetu KK, cenàbara su 17 de Làmpadas 2023, totu in unu noti, in su Campetu de bia Satta, in Nuràminis. Is iscritzionis a su torneu scadint su 10 de Làmpadas, e su costu est de 150€ po 10 giogadoris in dónnia scuadra.

Comunu de Serrenti: Sàbudu su 3 de làmpadas, in Serrenti, ddoi at a essi sa Festa de su Sport 2023 dedicada a su Professori e Maistu Efisio Marras. Ddoi ant a essi is assòtzius sportivus de Serrenti e s’at a inghitzai a is noi oras e mesu de mengianu, cun atividadis in su Campu sportivu e in su Palatzetu de su Sport. 

Comunu de Gùspini: Su 27 e su 28 de Maju 2023 torrat s'apuntamentu cun sa Dii Natzionali de is menas, promóvia a sa tenta de spainai su valori e su sinnificau culturali de su turismu mineràriu, chi ocannu est lómpia a sa de 15 editzionis. .Po partecipai no si pagat nudda ma tocat a si prenotai cun una mail a s’indiritzu gnm@minieramontevecchio.it aintru de su mesudii de cenàbara su 26 de Maju 2023.

Comunu de Gùspini: Su “Mercatino dei Sogni APS” aparíciat, sàbudu su 27 de Maju a is 10.00 de a mengianu, sa " Dii apitzus de sa Endometriosi e Fibromialgia - is espertus arrespundint". S’atóbiu si fait in sa Sala Cungressus de sa zona PIP de Gùspini.