Comunu de Carbònia:Sàbudu 30 de Donniasantu, a is noioras mancu cuartu de a noti (20.45), Michela Sale e Tiziana Troja, prus connotas cumenti a  "Le Lucide" de sa Cumpangia "Lucido Sottile", funt protagonistas de sa cummédia scundida contras a is discriminatzionis de géneri "La Conosci Giulia?".

Comunu de Mara Arbarei - Is pratzas: Fonti: La Gazzatta del Medio Campidano: Duus is atóbius in dís de sàbudu 30 de Donniasantu e domínigu 1 de Meseidas 2019 po is amantiosus de stória mediuevali. In Mara Arbarei e in Is Pratzas difatis est in programma un'acontéssiu chi permitit de torrai a scoberri unu mundu chi at donau medas elementus de interessamentu siat artísticus chi alimentaris in totu s'Ísula.

Comunu de Igrèsias: Si fait sciri a totus ca in su Comunu nostru at obertu po sa prima borta s'Ufìtziu po sa Lìngua Sarda. Duncas fintzas a su mesi de maju chi benit, dònnia martis, in sa Biblioteca Comunali ddoi at a èssiri unu operadori po agiudai e collaborai con totus is chi bolint chistionai e iscriri su sardu o sciri novas asuba de sa lìngua nosta.

Comunu de Biddacidru: Fonti: La Gazzetta del Medio Campidano: Si intítulat "Il profumo del passato" su líbburu scritu de su cirdesu Mauro Salis chi contat unu biaxi in sa stória e in is costumàntzias de una Sardigna giai scaréscia. Su líbburu ddu presentant in Biddacidru su 30 de Donniasantu in su palàtziu de s'Obispu in bia Vittorio Emanuele n.15, a in cincu e mesu de a merí (17.30).

Comunu de Nuràminis: Atóbiu de importu cenàbara 29 de Donniasantu 2019, nc'est sa cuferéntzia de presentada de su Progetu "Itinerario Archeologico tra Nuraminis e Villagreca" annualidadi 2019.Ddoi at comunicatzionis de importu asuba de is arresurtaus de is sgavus fatus in sa Tumba Bizantina.

Comunu de Biddanoa de Forru: Su labboratóriu de Língua Sarda po pipius  "Fueddaiddu su Sardu" inghitzat cenàbara 6 de Meseidas, de is tres a is ses de a merí (15.00 - 18.00), in sa Biblioteca Comunali, in bia Umberto I n.6.  Su labboratóriu est de otu oras pretziu in 3 letzionis.

Comunu de Serramanna: S'Amministratzioni Comunali,  proponit una série de labboratórius po piciocheddus e po mannus cun sa tarea de prumovi e avalorai sa cultura e is costumàntzias localis.

Comunu de Biddesorris: Sa manifestatzioni, chi si fait cenàbara 29 e sàbudu 30 de Donniasantu e domínigu 1° de Meseidas 2019, rapresentat s'ocasioni prus importanti de prumotzioni e avaloramentu de is primoris de su territóriu e, pruschetotu, de is produtzionis agru-alimentaris, de s'artesania, de is pràtigas e de is usàntzias acapiadas a is trabballus antigus de su sartu  e de is costumàntzias localis.