Comunu de Donori: Lunis 18 de Martzu 2019 - "S'umperu giustu de is "social network" in sa giovunesa". S'atóbiu ddu tenit  sa Dot.ra Valentina Pischedda, pedagogista sperta de fenòmenus de prepoténtzia in sa retza ("Cyberbullismo").

Comunu de Igrèsias: Sàbudu 16 de Martzu su Comunu de Igrèsias, s'Assótziu Culturali "Italia Nostra" e Giorgio Ariu Editori presentant su líbburu. "Is froríggius de Villa Ecclesiae" de Stefano Priola.

Comunu de Igrèsias: Sàbudu 16 de Martzu 2019, in su Palàtziu Bellavista, Monteponi Igrèsias,in ocasioni de "Sa Giornada Mundiali de su Sonnu", ddoi at un'atóbiu po fueddai de is disturbus de su sulidu in su sonnu.

Comunu de Ballau: In Ballau is pipius de s’Istitutu Cumprensivu Statali “Edmondo de Magistris” faint una libreria a forma de mata de làndiri. Si narat “Sa Biblioteca de s’identidadi”.

Comunu de Gùspini: Est dedicau a sa Sardigna prenuràgica su de 32 Cunvénnius de Archeologia organizau de su Grupu Archeológicu Neapolis cun s'agiudu de su Comunu de Gùspini e de su Parcu Geomineràriu e Ambientali de sa Sardigna.

Comunu de Carbònia: Su Comunu de Carbònia fait sciri a sa tzitadinàntzia chi sàbudu 16 de Martzu, a is dexi de a mengianu (10,00), in s'àula anfiteatru de s'Istitutu "G.M.Angioy" inghitzat su tziclu nou de atóbius intitulau "Carbonia Incontra".

Comunu de Arresi: Su 15 de Martzu in Giba ddoi at un'atóbiu po fueddai de ristoratzioni scolàstica de calidadi.  Sa tarea de sa giornada est su de creai un'ocasioni de atóbiu intra de domanda (gestoris mensas scolàsticas, statzionis apaltantis) e oferta (impresas agrícolas localis) de prodotus agroalimentaris localis.

Comunu de Serramanna:Cenàbara 15 de Martzu, a is cincu e mesu de a merí (17,30), in sa sala de is cunferéntzias "Vico Mossa" in su Maceddu Béciu (ExMa) n.1, nc'est sa letura educativa intitulada "Sa Rosa, su Printzipi & su Pipiu. Poita nisciunu crescit solu". Arrelatat Dot.Braina