Comunu de Santu 'Éngiu: Fonti: "La gazzetta del Medio Campidano": Cenàbara su 25 de martzu a is noi oras de noti, in su Teatru Comunali de Santu’ Èngiu, ddoi at a essi su spetàculu “L’anello forte” (pigau de su romanzu omònimu de Nuto Revelli), cun Laura Curino e Lucia Vasini, drammaturgia e regìa de Anna Di Francisca. L’anello forte” fait parti de sa rassinna Cedac 2021-2022. Po informatzionis e prenotatzionis 340 4041567

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 30 de Martzu 2022, ddoi est su de 4 de is dexi labboratórius didàticus culturalis in Língua Sarda de “Mércuris in su Tzínema” :  "L'Arbitro" de Paolo Zucca. Su labboratóriu est a indonu.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 23 de Martzu 2022, ddoi est su de 3 de is dexi labboratórius didàticus culturalis in Língua Sarda de “Mércuris in su Tzínema” : "Sa de 2 e de 3 partis de "Sardegna un itinerario nel tempo" de  Giuseppe Dessì. Su labboratóriu est a indonu.

Comunu de Santu Sparau:Si fait sciri a is chi funt interessaus ca est possíbbili partecipai a su “Cuncursu Literàriu Anselmo Spiga 2022” chi est lómpiu a sa de XIX editzionis. Su Cuncursu est a indonu e abertu a totus.Funt ammítias a su Cuncursu is òperas scritas in calisisiat varianti de sa língua sarda (cun óbbrigu de furriadura in italianu puru), in is atras línguas chi si chistionant in Sardigna e is òperas in língua italiana.

Comunu de Serrenti: S’atòbiu de su Grupu de letura po su mesi de abrili s’at a fai su 6 in sa Biblioteca Comunale a is cuatru de a merì. Su libru. Martin Amis est unu scritori chi spantat. London Fields, scritu in su 1989, est ambientau in d-una Londra giai apocalìtica in su 1999.Seus acanta a unu sciacu mannu ecològicu o nucleari no definiu, e in d-unu tempus scuriu innoi una fèmina, Nicola Six, detzidit de organizai sa morti cosa sua, sa dì de su compleannu suu, su 5 de donniasantu, innoi ddoi at a essi una eclissi de soli.

Comunu de Seddori: In continuidadi cun sa manifestatzioni “BenEssere donna” de s’8 de martzu passau, su Comunu sighit cun is initziativas po sa promotzioni de su benesseri. Sàbudu, su 19 de martzu, a is dexi de a mengianu, apuntamentu in su Parcu S’Arei, po fai sa “passillada de sa saludi” a indonu e podint partetzipai totus.  . 

Comunu de Casteddu: Prima tzitadi italiana, Casteddu at a strangiai, in cuntemporànea cun San Diego in Califórnia, s’ammosta “Galileo Galilei – Misurare l’infinito”, cuncordada in sa Passillada de su Bastioni de Saint Remy, chi su púbblicu dda podit bisitai de su 12 de Martzu fintzas a su 12 de Làmpadas 2022.

Comunu de Biddanoa de Forru: Cenàbura 18 de Martzu 2022, in sa Biblioteca de Biddanoa de Forru in Bia Umberto I n. 6 s’at a fai unu atóbiu cun su stóricu Luca Bravi cun su títulu “Passai Auschwitz. Stórias de Rom e Sinti”.