Comunu de Oroteddi: S’assessorau a s’Istrutzioni Púbrica e Cultura, organizat unu labboratóriu de cosidura: “Su Zibone”. Is domandas de iscritzioni depint lompi, a su Protocollu de su Comunu, aintru e non prus a tradu de su 15 de Donniasantu 2019.

Comunu de Quartu Sant'Aleni: Mércuris 13 e cenàbara 15 de Donniasantu,in sa Biblioteca Comunali de bia Dante atóbiu dópiu dedicau a s’òpera de su títulu “Una questione privata”. Su primu atóbiu inghitzat a is ses e mesu de a merí (18.30) e fissat s’atentzioni asuba de su romanzu de Beppe Fenoglio.

Comunu de Casteddu: Mércuris 13 de Donniasantu, a is cincu e mesu de a merí (17.30), in su Spàtziu Acontéssius, in su primu pianu de sa MEM – Mediateca de su Mediterràneu, bia Mameli 168 in Casteddu – su líbburu “Troppo sole per Antonioni” de Alessandra Dragoni.

Comunu de Casteddu: Mércuris 13 de Donniasantu, a is ses de a merí (18.00) in sa MEM, Mediateca de su Mediterraneu, in sa sala tzineteca, nc’est s’atóbiu “Il lato oscuro dei Beni Culturali” scrucullu asuba de is cunditzionis de trabballu in su setori.

Comunu de Gùspini: Su Comitau “San Nicolò Guspini” at organizau po su de duus annus de sighiu sa “Caccia al tesoro San Nicolò”. S’acontéssiu si fait domínigu 8 de Meseidas 2019 peri is bias de Gùspini e aroru. Is iscritzionis, faint sciri is organizadoris, si serrant su 16 de Donniasantu 2019.

Comunu de Casteddu: Difiniu su programma de is propostas culturalis de sa MEM po sa cida chi andat de su 11 a su 17 de Donniasantu. Mediateca de su Mediterraneu, bia Mameli 164, Casteddu.

Comunu de Gùspini: Inghitzat oi sa filera de atóbius fomativus e spartzinadoris de caràtiri ténnicu in su cumpartu latieru-caseàriu organizau in Gùspini de s’Agentzia Regionali “Laore”.Is 19 atóbius funt programmaus in su períodu chi andat de su 12 de Donniasantu 2019 fintzas a su 30 de Gennaxu 2020.

Comunu de Gùspini: Martis 19 de Donniasantu 2019, a is otu de a merí (20.00), in su tzentru de is Domus a Corti, s’Assessorau a is Servítzius Sotzialis de su Comunu de Gùspini, po mediu de su Tzentru de Agregatzioni Sotziali e Sa Coperativa “Laurus” organizat “Quiz Dr Why” unu giogu multimediali. Is iscritzionis scadint su 15 de Donniasantu 2019.