Comunu de Pabillonis:  Ocannu puru in su Comunu de Pabillonis si fait sa manifestada culturali "Monumenti Aperti" chi donat sa possibbilidadi de connosci is logus de importu stóricu e is monumentus de sa bidda. S'acontéssiu si fait sàbudu 18 de Maju e domínigu 19 de Maju.

Comunu de Igrèsias: Sàbudu 18 de Maju 2019, in su Tzentru Culturali "Sala Rossa, inn bia Grazia Deledda, nc'est sa presentada de su líbburu." Il pane dal medioevo al '900" de Celestina Sanna.

Comunu de Biddacidru:  Sa Fundatzioni "Giuseppe Dessì" e su Comunu de Biddacidru, in su cuntestu de sa rassínnia "Maju Literàriu 2019", organizat sa presentada de su líbburu: "Su Sardu Standard. Il Sardo Standard". Sa presentada est sàbudu 18 de Maju 2019, a is ses de a merí (18,00), in sa Domu de su Generali (Casa Dessì), in bia Roma 65, in Biddacidru.

Comunu de Carbònia: Su Comunu de Carbònia fait sciri a totu sa tzitadinàntzia chi domínigu 12 de Maju, in ocasioni de sa Festa de sa Mamma, is voluntàrius de sa Fundatzioni "Airc" po sa circa asuba de su mali mandiadori, imparis cun sa Prolocu, funt in Pratza Matteotti (àngulu bia Fosse Ardeatine) de is otu de a mengianu (08,00) po spartzinai is azaleas po agiudai sa circa.

Comunu de Serdiana: Sàbudu 11 de Maju, a is noioras de a noti (21,00), in su Spàtziu Multifuntzionali de is Scolas Médias, bia Eleonora d'Arborea in Serdiana, nc'est su spetàculu teatrali "Unghie &Crisi".

Comunu de Nuràminis: Sàbudu 11 de Maju 2019 nc'est s'atóbiu cun sa scritora Vanessa Roggeri.

Comunu de Igrèsias: S'Istitutu Cumprensivu "Eleonora d'Arborea" e su Comunu de Igrèsias, po su de 99 Anniversàrius de su 11 de Maju 1920 presentant sa "Sterrina" e su "Ammentu de su bocidroxu" de seti minadoris, acontéssiu in s'interis de is scontrus cun is guardias régias.

Comunu de Pabillonis: S'Amministratzioni Comunali e s'Ufítziu de Língua Sarda de Pabillonis, tenint su prexeri de strangiai a Dot. Cristian Urru chi presentat sa tradutzioni in sardu chi at fatu de su líbburu de Francesco Abate: "Òja, o Ma' ".