Comunu de Gùspini : Su 21 de Martzu 2019, in sa Sala de su Consillu de Gùspini, a is cincu e mesu de a merí (17,30) nc'est un'atóbiu , organizau de s'assótziu "XConoscereXfare", po fueddai de sa depressioni.

Comunu de Lunamatrona : Su Comunu de Lunamatrona organizat labboratórius artísticus e de ammanuncadura po antzianus. Is domandas scadint a sa una de su 21 de Martzu 2019.

Comunu de Gomajori:  In Gomajori ddoi at unu Cursu de archeologia asuba de sa Civilidadi Nuràgica.

Comunu de Gùspini: Ddoi at tempus fintzas a su 21 de Martzu 2019 po presentai sa candidadura po pigai parti a sa Consulta po s’avaloramentu de sa cultura e de sa língua sarda.

Comunu de Serramanna: Su 20 de Martzu 2019, in is aposentus de s'Informagióvunus, a is cuatru e mesu de a merí (16,30), su Gal Campidanu organizat s'atóbiu: "Su Gal Campidanu si presentat, oportunidadis in su territóriu po is gióvunus e is impresas".

Comunu de Serramanna: Martis 19 de Martzu nc'est su de 2 atóbius asuba de "Is disturbus spetzíficus de s'aprendimentu (DSA)- Sintomus, acóstius, risorsas e pianus" .

Comunu de Santu Antiogu: Su "Centro di Educazione Ambientale e alla Sostenibilità CEAS" fait unu scioberu po sa circa de gióvunus creativus po cumpriri una parti de su progetu "Una vita vista mare". 

A sa figura professionali scioberada si proponit unu cuntratu de collabboratzioni chi previdit una summa de € 1200 inclúdiu totus is óneris.

Tocat a presentai sa domanda de partitzipatzioni e sa documentatzioni aintru e non prus a tradu de sa una (13,00) de su 22 de Martzu 2019.

Comunu de Pabillonis: Si fait sciri chi s'Amministratzioni Comunali, cun sa tarea de avalorai su patrimóniu culturali e patrimoniali de su territóriu, at acunsentiu a su tzircúitu natzionali "Monumenti Aperti" po su 2019, programmendi sa manifestada po su 18 e 19 de Maju.Duncas s'Amministratzioni cumbidat  a is operadoris económicus localis a pigai parti a sa manifestada.