Comunu de Biddanoa Franca: Su Comunu de Biddanoafranca e Il Cormorano Group aparíciant su Carnovali 2023 “Samba de Janeiro” sàbudu su 25 de Friaxu 2023.

Comunu de Guasila: Sa Pro Loco de Guasila paris cun su Comunu de Guasila cumbidant a totus a partecipai a s’acontéssiu “Màscaras in Fraus – Carnovali traditzionali” chi si fait domínigu su 26 de Friaxu 2023. A is 4 de a merii (16.00) de Pratza Municipio partit sa sfilada de is màscaras traditzionalis de sa Sardigna.

A custa editzioni partétzipant: S’Ainu Orriadore de Iscanu; Sos Corriolos de Neoneli; Maschinganna e sa Maiaja de Busache; S’Acabadora pianalzesa de Sàgama.

Comunu de Santu Perdu: Sàbudu su 25 de Friaxu a is 6 de a merii (18.00) in su Tzentru Culturali “R. Spiga” in Pratza San Pietro, 8 in Santu Perdu, Brice Grudina presentat s’ύrtima sílloge poética sua intitulada “Gli Amori Blu”.

 

Comunu de Gùspini: S’at a presentai su 20 de Friaxu a is 7 de a merii (19:00), in is aposentus de su Molinu Garau, sa graphic novel “Patrick Zaki. Una storia egiziana” (Feltrinelli Comics, 2022) chi at scritu sa giorronnalista guspinesa Laura Cappon e cun is is disegnus chi at fatu su fumetista e ativista Gianluca Costantini – autori de sa màgini prus icónica de Patrick Zaki - cun s’amparu de Amnesty International Italia.

Comunu de Solèminis: Domínigu su 19 de Friaxu 2023: scoberri is cantinas de su territóriu cumenti no ddas as bias mai innantis! Assaboramentu de is produtus típicus de su territóriu, amostas, esponiduras e trabballus de s’artesania.  Ddoi at calincuna cosa de speciali in is cantinas…un’atmosfera corali e cullidora, unu logu innui su tempus parit ca s’est firmau e innui totus is ampuddas serrant una stória única.

Comunu de Serdiana: Pustis de annus chi est amancau, torrat su Cranovali in Serdiana. Domínigu su 19 de Friaxu incingiai su costumu prus bellu chi teneis ca no podeis amancai a s’apuntamentu! S’atòbiu est in sa Pratza Eroici Caduti a is 4 de a merii (16:00).

Comunu de Igrèsias: Torrat Chocomoments Igrèsias e sempri in tempus po afestai a Santu Valentinu. De su 10 a su 12 de Friaxu 2022 in Pratza Quintino Sella torrat in tzitadi sa de tres editzioni de Chocomoments Igrèsias, sa festa manna de su ciuculati artigianali.  

Comunu de Gùspini: Banderas a mesu fusti sa Dii de s’arregodu: una festa tzivili natzionali italiana, fundada cun sa lei 30 de Martzu 2004 n. 92 e tzelebrada su 10 de Friaxu de dónnia annu. S'istitutzioni de sa dii de s’arregodu nascit de sa gana de arrennovai e allogai «sa memória de sa tragédia de is italianus e de totus is vítimas de is fóibas, de su disterru de is istrianus, de is fiumanus e de is dàlmatas italianus de is terras insoru a s’ora de sa Segunda Gherra Mondiali e in su tempus chi at sighiu sa gherra (1943-1945), e de sa faina prus complicada de sa làcana orientali».