Comunu de Santu 'Èngiu: S’Amministratzioni comunale fait sciri ca si podint presentai is istàntzias po arriciri unu contributu po s’organizatzioni e sa gestioni de s’editzioni 2022 de su “Carrasegare de Santu’ Èngiu”. Is istàntzias depint essi imbiadas po mesu de PEC a s’indiritzu: protocollo.sangavino@pec.comunas.it intro, e no foras de, su 31 de gennàrgiu 2022, o, deghinò, portadas a manu intro sa data matessi a s’Ufìtziu Protocollu de s’Enti.

Comunu de Gùspini: Fonti: "La Gazzetta del Medio Campidano": Sa Giunta Comunali at aprovau is indiritzus de su progetu po torrai a cualificai su tzentru urbanu imperendi sa street art. Funt interessaus duus logus de sa bidda chi de atra manera funt destinaus a essi abbandonaus a su degradu.

Comunu de Sàrdara: Fonti: "La Gazzetta del Medio Campidano": Sàbudu su 22 de Gennàrgiu, Prof. Sandro Renato Garau fait una letzioni – cunferèntzia in piataforma asuba de tzitadi antiga de Neapolis e de Thermae Aquae Neapolitanae. 

Comunu de Biddanoa Franca: Su Comunu de Biddanoafranca in collaboratzioni cun s’Assótziu SEMM (Sardigna Europa Mediterràneu Mundu) aparíciat su laboratóriu culturali: “Su Pani, sa pasta e su trobaxu: atualidadi e traditzioni”. Is domandas scadint su 31 de gennarxu 2022. Su labboratóriu est a indonu.

Comunu de Serri: Gràtzias a fundus regionalis e de s’arrestu de amministratzioni intra de pagus mesis su comunu de Serri at a pòdiri incarrerai cuatru progetus in totu de 700 milla éurus. Duxentusmilla éurus ant a èssiri impreaus po s’apariciadura de su museu archeológicu cun is repertus agataus in s’interis de is campànnias de sgavu in su santuàriu nuràgicu de Santa Vitória.

Comunu de Casteddu: “Benei a teatru, ca est unu logu siguru”. Est custa sa seguresa de su Síndigu de Casteddu, Paolo Truzzu chi,  chistionendi in sa cunferèntzia stampa de presentatzioni, de is atividadis in programma in su 2022 cuncordadas de CeDAC – Centru Diffusione Attività Culturali e de Jazz in Sardigna, in su Teatru Màssimo at bófiu torrai a oberri a manera ideali is gennas de bia  De Magistris.

Comunu de Pabillonis: S’amministratzioni comunali de Pabillonis scummitit in su turismu e in s’atividadi in su tempus líbberu avalorendi sa cultura e s’ambienti de su territóriu cosa sua.  

Comunu de Musei: Is  Assótzius de voluntariau, culturalis, ambientalis, sportivas, de tempu líbberu, chi ddoi funt e òperant in su territóriu de su Comunu de Musei, chi bolint pigai parti de s’Albu depint presentai domanda.