Comunu de Quartu Sant'Aleni: S'atóbiu est lunis 11 de Donniasantu, a is 9,00 (noioras de a mengianu), in s'Àula Magna de sa scola média de bia Is Pardinas. S'autori, Andrea Pau Melis presentat su líbburu: "Fiume Europa" e fueddat cun is piciocheddus de is crassis 3^, setzionis: A, B, C, D, E.

Comunu de Samassi: Intra de Donniasantu 2019 – Martzu 2020, po is babbus e mammas e a is mannus interessaus a is argumentus de s’educatzioni, S’Assessorau a is Políticas Sotzialis prumovit unus cantu atóbius formativus/informativus.

Comunu de Donori: Presentada de su líbburu: "L'Isola delle anime" de Piergiorgio Pulixi.

Comunu de Nùgoro: S'atóbiu est su 9 e su 10 de Donniasantu cun Mastros e Massajos, sa tapa nugoresa de "Autunno in Barbagia".

Comunu de Arbus: Arremonu de is cent'annus de sa morti de Lord Thomas Allnutt Brassey, de su 7 de Donniasantu 2019 a sàbudu 7 de meseidas 2019

Comunu de Nuràminis: Presentada de su líbburu “Cincu milla francus e un abbraccio” de Franco Madau chi si fait cenàbara 8 de Donniasantu 2019.

Comunu de Gùspini: Sàbudu 9 de Donniasantu su segundu atóbiu de s'editzioni 2019 de "Autunno d'Autore". Atóbiu a is ses e mesu de a merí (18,30) in su teatru comunali zona PIP.  Neri Marcorè acumpangiau de su musitzista Domenico Mariorenzi, portant in scena "Le mie canzoni altrui".

Comunu de Carbònia: Sighit cun acuntessimentu sa rassínnia "Carbonia Studia",su studiosu Francesco Casula presentat su líbburu cosa sua: "Carlo Felice e i Tiranni Sabaudi", proponendi una costrutzioni noba de is fatus atesu meda de sa storiografia ufitziali .