Comunu de Gùspini: S’Unione Ciclistica Gùspini paris cun su Comunu de Gùspini organizat su 2 de Làmpadas 2023 s’acontéssiu “Sa de 34 pedaladas ecológicas po sa Paxi”. Percursu: 11 Km in s’asfartu e in bias sterradas. Su percussu at a passai aintru de sa bidda de Gùspini e at a fai unu pàsiu in is giardinus púbblicus de bia Marconi. A s’acontéssiu podint partetzipai totus (fintzas is chi no funt tesseraus).

Comunu de Gùspini: Sàbudu su 20 de Maju 2023, partit a is 5 de a merii (17.00) de su Pratzali Rolandi in Montibéciu, s’acontéssiu " Su mori de is cerridoras " apariciada de s’Assótziu Culturali XConoscereXFare paris cun s'Assótziu Pro Loco Gùspini, sa filodrammàtica Guspinesa e s'Assótziu de is ex minadoris "Sa mena".

Comunu de Serrenti: Sa “Merenda nell’Oliveta” de Serrenti si fait domínigu su 21 de Maju de is 5 de a merii (17.00) in su C-Park in Bia Giovanni XXIII. In su tempus chi si fait su smurzu s’autori casteddaju Giulio Neri at a presentai su romanzu nou suu “Repertorio per mano sinistra”.

Comunu de Gùspini: Si fait sàbudu su 20 e domínigu su 21 de Maju 2023 su de doxi autoslalom Gùspini-Arbus ocannu dedicau sa primu borta a sa memória de Ignazio Pani. 

Comunu de Seddori: Seddori partetzipat a sa de XXIII editzioni de Monumentus Abertus. Sa data scerada est domìnigu su 21 de maju candu s’ant a podi visitai, a indonu, is monumentus printzipalis de sa bidda.

Comunu de Sàrdara: Fonti: "La Gazzetta del Medio Campidano": Sàrdara tenit potentzialidadis medas de svilupu turìsticu cumenti a is arrisorsas termalis, ambientalis, archeològicas, stòricas e culturalis. Immoi cun d-unu finantziamentu de 100 milla èurus at a essi avalorau su Casteddu de Monreali e is tretus suus turistìcus-culturalis.

Comunu de Sàrdara: Fonti: "La Gazzetta del Medio Campidano": Sàrdara in teatru, custu est su nòmini de s’initziativa promòvia de sa Pro Loco de Sàrdara.
Est unu cuncursu teatrali chi s’arrivolgit a totus is cumpangias teatralis amatorialis sardas. A su cuncursu podint partetzipai is spetàcolis chi rapresentant acadessimentus stòricus acapiaus a sa Sardigna, in lìngua sarda. Sa registratzioni des’òpera at a depi essi imbiada intro de su 30 de cabudanni 2023

Comunu de Seddori: Fonti: "La Gazzetta del Medio Campidano": Su Comitau Amigus de Sant’Antiogu bèciu, organizat, po sa Manifestatzioni “Monumentus Abertus” una passillada in sa cresiedda de sartu de Santu Antiogu, po promovi su territòriu, s’atividadi sportiva e agiudai sa sotzializatzioni intra is personas de sa comunidadi nosta.