Comunu de Seddori:  Un’àrea po is amigus a cuatru farrancas, cun spàtzius e tretus de agility dog. Sàbudu su 18 de martzu in Seddori at a essi incingiau su primu spàtziu dedicau a is canis. Apuntamentu a is ùndixi in su Parcu Scolopi.

Comunu de Arresi:  Funt abertas is iscritzionis a su labboratóriu: “Arreconnoscimentu e umperu de is erbas arestis e de fai mexinas de sa magra mediterrànea”, destinau a is mannu e a is antzianus. Tocat a si iscriri aintru de su 24 de Martzu 2023.

Comunu Silìcua:  Cenàbara 17 de Martzu a is cincu de a merí (h. 17:00), in s'Ammassu de su Trigu, su de 4 atóbius de su ciclu "''Fascismo/fascismi. Volti e complessità di un regime'', chi su Comunu de Silícua at organizau imparis cun su ISSACO ( Istitutu sardu po sa Stória de s'Antifascismu e de sa Sotziedadi Cuntemporànea) e cun sa "Società Umanitària – Cineteca Sarda".S'atóbiu est abertu a totus e balit cumenti a cursu de formatzioni po insenniantis arreconnotu e acreditau de su MIUR.

Comunu Gèsturi: S'Amministratzioni comunali e sa Pro Loco de Gesturi tenint su prexeri de si cumbidai a sa de 6 editzionis de sa Festa de su Sparau aresti chi si fait domínigu 26 de Martzu 2023. 

Comunu Castiadas: Su Sistema Bibliotecariu Territoriali Sarrabus – Gerrei proponit in sa Biblioteca Comunali su labboratóriu "Fioriamo la Biblioteca in Primavera", progetu de atóbius de prumotzioni a sa letura e labboratóriu creativu. Is atóbius funt destinaus a is pipius de is 3 a is 11 annus

Comunu de Samassi: Pustis de is annus difítzilis de sa pandemia, in Samassi funt in su mesu de sa faina po ndi pesai sa de 33 editzionis de sa Festa manna de sa Canciofa de Samassi. Sa festa dedicada a s’ortalítzia prus famada, bàntidu de su Campidanu de bàsciu e de su Campidanu de mesu, si fait su 16, 17, 18 e 19 de Martzu 2023 (de su gióbia a su domínigu).

Comunu de Muristeni: Su Tzentru de Agregatzioni Sotziali de Muristeni torrat a fai is atividadis de alentadura po genti manna po totu su 2023. Funt abertas is iscritzionis. Is domandas po intrai in su servítziu si depint intregai aintru de su mesudii de su 20 de Martzu 2023 cun una lítera eletrónica o cun sa PEC a protocollo.monastir@legalmail.it o ponendiddas in sa cascitedda de sa posta chi ddoi est in foras de s’Ufítziu Protocollu.

Comunu de Nuràminis: Su Coordinamentu Pedagógicu Territoriali de is Comunus de Muristeni, Nuràminis e Ússana, paris cun su CPT e cun su Tzentru Crea, aparíciat a cumintzai de su 14 de Martzu 2023 unus cantu atóbius educadoris cun su Prof. Lorenzo Braina abertus a is maistus chi imparant in is istitudus de is biddas interessadas e a is mammas e is babbus de pipius de edadi intra 0 – 6 annus.