Comunu de Gùspini: In ocasioni de sa dii internatzionali de is féminas, sa Commissioni po is paris oportunidadis e unus cantu assótzius guspinesus ant apariciau sa “Passillada in grogu. Fueddus e passus impari contras a sa disparidadi”.

Comunu de Santu 'Èngiu: Fonti: "La Gazzetta del Medio Campidano": Si movint po totu sa Sardigna po fai spassiai is sposus e is invitaus cun sa mùsica insoru in sa dì de sa coja est a nai in sa dì prus bella de sa vida de is personas. E immoi est arribau unu arreconnoscimentu de importu po is tres piciocus chi faint parti de su grupu “Dieffe Musica”: duus giòvunus de Santu Èngiu Davide Moreno (25 annus) e Nicola Frongia (22 annus) e Federico Pilloni (29 annus) de Guspini. Is tres artistas de su Campidanu de Mesu ant bintu su “Wedding Awards 2023” 

Comunu de Casteddu: In ocasioni de sa giorronada de sa Festa de sa Fèmina ddoi ant a essi tres atòbius e unu puru sàbudu su 18 de martzu 2023. Funt cuatru, tres s’ant a fai mèrcuris s’8 de martzu 2023 e unu sàbudu su 18 de martzu 2023, is atòbius in programma po sa de tres editzioni de “Feminas. Casteddu contras sa violèntzia” su calendàriu arricu de initziativas po sensibilizai is personas contras sa violèntzia de gèneri. S'intrada a totus is atòbius est a indonu.

Comunu de Serrenti: Mèrcuris s’8 de martzu, si praxit arregordai sa giorronada dedicada a is fèminas, cun su libru "Le donne di casa Gramsci" scritu de Mimma Paulesu Quercioli, neta de Antonio Gramsci, filla de sa sa sorri Teresina, unu clàssicu po is studiosus gramscianus, in d-una editzioni noa.

Comunu de Gùspini: S’Assótziu “Il Mercatino dei Sogni APS” paris cun sa Pro Loco Guspini e su Comunu de Gùspini aparíciat s’acontéssiu “8 Marzo. Giornata dedicata alle “Donne in festa”, in sa pratzita 8 Marzo. Po ndi sciri de prus tzerriai a su nύmeru 3451856517

Comunu de Sardara: Presentada de "Donne che pensano con gli occhi" de s'autori Marcello Atzeni. Domínigu su 12 de Martzu 2023 a is 5 e mesu de a merii (17:30), in su Tzentru de agregatzioni Sotziali, bia Oristano 59-Sàrdara.

Comunu de Sardara: Sàbudu s’11 de Martzu a is 5 e mesu de a merii (17:30) aintru de su Tzineteatru comunali de Sàrdara, in bia Cagliari 7, si fait su primu de is 4 atóbius de su progetu de educatzioni emotiva "Il peso delle parole", po chistionai de sa comunicatzioni no contrària. 

Comunu de Seddori: Su Comunu e s'Universidadi de sa de tertza edadi ant apariciau s'8 de Martzu in su Foyer de su Teatru a is 4 e mesu de a merii (16.30) un’atóbiu intitulau "Stereotipi, sfide, conquiste: dalla parte delle donne"