Comunu de Casteddu: Fonti: "La Gazzetta del Medio Campidano": Po custu acabbu de cida ddoi funt in programma in su Teatru de Casteddu unus cantu de cuncertus e spetàculus teatralis po acuntentai a totus is spetadoris. In su Teatru Lìricu cenàbara su 3 de martzu  a is otu e mesu e sàbudu 4 a is seti de a merì ddoi at a essi su de cincu atòbiu de sa Stagioni cuncertìstica 2023 cun su cuncertu de s’Orchestra de su Teatru Lìricu, cun sa diretora Valentina Peleggi. 

Comunu de Biddanoa de Forru: Fonti: "La Gazzetta del Medio Campidano":Sa Cisl Sardigna e cussa de su Campidanu de Mesu in su Consillu Generali de su 28 de friaxu, in Biddanoa de Forru at postu in luxi unu argumentu de importu mannu e de atualidadi: “Is comunidadis Energèticas in tempus de crisi. Energias po costruiri comunidadis, intra sfidas e oportunidadis”. 

Comunu de Biddacidru: Su 4 e su 5 de Martzu 2023, in s'Auditorium Santa Barbara in Biddacidru h. 18:00 - 20:00, s'Assótziu “You Can Play – Guitar School” organizat duus atóbius asuba de sa música moderna. Sa ghia in custu biaxi musicali est su Maistu Emilio Capalbo. 

Comunu de Barùmini: Fonti: "La Gazzetta del Medio Campidano": Su 22 de friaxu, in su Tzentru Culturali Giovanni Lilliu, ant aprontau in d-unu aposentu sa promotzioni de su situ archeològicu de Santa Vittoria de Serri. S’eventu fait parti de s’iniziativa promòvia de sa Fundatzioni Barumini Sistema Cultura, is Comunus de Barumini e Serri. Su spàtziu de esponidura de s’àrea archeològica Santa Vittoria de Serri at a abarrai abertu dònnia dì de su 22 de maju 2023.

Comunu de Santu 'Èngiu: Fonti: "La Gazzetta del Medio Campidano": Domìnigu su 12 de martzu, sa cumpangia teatrali Come.te at a presentai su spetàculu Mer’e Domu in su Teatru Comunali de Santu Èngiu. Est sa rapresentatzioni de su libru omònimu de sa scritora e psicologa Daniela Frigau, asuba su problema de sa violèntzia de gèneri. 

Comunu de Serrenti: Fonti: "La Gazzetta del Medio Campidano": In su sartu de Serrenti sa Figu Murisca si podit prantai puru asuba sa crabetura, chena terra, chena àcua in s’istadi, chena cura e chena putadura. Straordinària sa capatzidadi sua de cresci me is logus chena sustentamentu. Ligidoris stimaus de La Gazzetta, ddu eis cumprendiu ca est unu artìculu spassiosu asuba de sa figu murisca ca est crèscia asuba sa crabetura de sa domu contonera chi s’agatat a su chilòmetru 37° de sa SS 131?

Comunu de Sàrdara: Fonti: "La Gazzetta del Medio Campidano": Sa de tres cunferèntzias, “Minerali, minieras e eredidadi ambientali”, s’at a tenni su 3 de martzu, asuta sa ghia de professor Giovanni de Giudici. S’ùrtimu atòbiu est po sàbudu su 25 de martzu, cun d-una letzioni fata de su professori Giuseppe Scanu e intitolada “Matas fossilis: unu scussòrgiu disconnotu”. 

Comunu de Biddanoa de Forru: Mércuris su 1 de Martzu a is 9 oras e mesu in s’Arburada “Dei Carrubi” torrat s’apuntamentu cun sa Giorronnada de s’Annestu, lómpia a sa de 6 editzionis suas. S'initziativa est un’ocasioni po imparai sa pràtica de s’annestu apitzus de is matas de frutu, gràtzias a s’agiudu pretziosu de is spertus chi nd’ant a spricai sa tenta, is técnicas e is segretus.