Comunu de Muristeni: Su 6 de Meseladàmini a is h. 16.30, in su Tzentru de Agregatzioni Sotziali, ddoi at sa presentada de su progetu "MondoDonna". Est a dispositzioni de is partitzipanti su servítziu a indonu de castiadura de is pipius.

Comunu de Masainas: Su Comunu de Masainas fait sciri a sa tzitadinàntzia chi de su 5 Meseladàmini 2021 inghitzat unu cursu de Língua Sarda de 30 oras chi si fait in sa piataforma Zoom. Si arritzint is iscritzionis. Su cursu est a indonu.

Comunu de Guasila: A inghitzai de domínigu 26 de Cabudanni 2021 ddoi at s'acontéssiu " A su scurigadroxu in bixinau – Incontro con gli autori" chi tenit in programma sa presentada de is líbburus: "Omicidio di stato"; "Hotel Nord America"; "I delitti della salina" e "Storie barocche"

Comunu de Stersili: S'Amministratzioni Comunali bolit fai cursus de música po strumentus musicalis diferentis. Sa proposta est indiritzada a totus. 

Comunu de Domus de Maria: Su Comunu de Domus de Maria chi pigat parti a su progetu “Chistionaus su sardu in sa Costera Sulcitana”, fait sciri a is tzitadinus chi de Meseladàmini 2021 inghitzant is cursus de língua sarda de 30 oras. Is cursus funt de unu totu a indonu.

Comunu de Barùmini: De su 30 de Cabudanni 2021 fintzas a su 15 de Meseidas 2022 est  in servítziu s'Ufítziu de Língua Sarda.

Comunu de Pabillonis: De su 29 de Cabudanni 2021 fintzas a su 16 de Meseidas 2022 est torra in servítziu s'Ufítziu de Língua Sarda.

Comunu de Gùspini: De su 29 de Cabudanni 2021 fintzas a su 16 de Meseidas 2022 est torra in servítziu s'Ufítziu de Língua Sarda.