Comunu de Biddanoa de Forru:  De su 22 de Cabudanni 2021 fintzas a su 29 de Donniasantu 2022 est torra in servítziu s'Ufítziu de Língua Sarda.

Comunu de Mara Arbarei: De su 21 de Cabudanni 2021 fintzas a su 29 de Donniasantu 2022 est torra in servítziu s'Ufítziu de Língua Sarda.

Comunu de Biddacidru: Su Comunu de Biddacidru, alleau de sa Províntzia de su Sud Sardigna in su progetu "Sighidura de sa sperimentatzioni linguística", fait sciri a is tzitadinas e a is tzitadinus chi de su 21 de Cabudanni 2021 fintzas a su 6 de Meseidas 2022 est torra ativu s'Ufítziu de Língua Sarda.

Comunu de Igrèsias: De lunis 8 de friàrgiu sa Sardigna est torra zona groga e duncas torrant a oberri a is bisitadoris is situs culutrali presentis in su territòriu comunali de Igrèsias. Duncas cenàbara 12 si podint bisitai Porto Flavia, sa Gruta de Santa Bràara, e si podit fai su tour esternu de sa Miniera de Santu Giuanni e est obertu puru su Museu de su Costumu e de is Traditzionis in su tzentru stòricu

Comunu de Narcau: De s'8 de friàrgiu sa biblioteca comunali at addòpiau is oras de abertura po su pùbblicu: infatis de 9 oras partzias in 3 diis dònnia cida at aumentau a 18 oras in 5 diis. Duncas est sa biblioteca a mengianu est oberta su mèrcuris e su cenàbara de is 09:00 a is 12:00..

Comunu de Biddanoa de Forru: “Sa scola de Internet po totus” est unu programma mannu e de formatzioni pensau po is personas de dònnia edadi, residentis in totus is regionis. Cursus online a indonu po fai connosci is oportunidadis e is ofertas de su digitali e semplificai sa vida cun s’impreu de is tecnològias noas.

Comunu de Carbònia: Su Comunu de Carbònia fait sciri chi funt ativus is profilus istitutzionalis de Facebook, Twitter, Instagram, YouTube e Telegram.

Comunu de Tratalias: Su Sistema Bibliotecàriu Interurbanu de su Sulcis cun sa collaboratzioni de s'Amministratzioni Comunali cumbidant a partecipai a is "Appuntamenti del martedì" chi si faint in sa piataforma Zoom de su 9 de friàrgiu a su 02 de martzu 2021 a is 6 de merì e ant a essi trasmìtius in direta in sa pàgina Facebook de su SBIS.