Comunu de Quartu Sant'Aleni:  Sighit pustis de su primu fini de cida de apuntamentus s’arressigna “Incanti” in su Nuraxi Diana e in sa Villa Romana.  Su programma de custu acabbu de cida biit sàbudu su 5 de Austu in su Nuraxi Diana sa presentada de su libru “Lontano dalle vite rabberciate”, chi at scritu Gianluca Celestino Cadeddu.  Domínigu su 6 de Austu, a is 9 oras de a merii (21.00), logu a sa música. In su scenàriu eciseri in is peis de su nuraxi Diana ant a sonai is notas de is ‘Bob Montalbano Swing Bros’ 

Comunu de Biddacidru: Inghitzant de cenàbara 4 de Austu is afestus religiosus e tzivilis in onori de Santu Sisinni Màrtiri e acabbant lunis 7 de Austu.

In s'opúscolu totus is minudus de is logus, de is oràrius e de is indicatzionis stradalis po lompi in is logus de is acontéssius.

Comunu de Frùmini Majori: Lunis su 7 de Austu abbísita ghiada po scoberri sa maxía de su témpiu dedicau a su Sardus Pater, jazz e aperitivu in su giardinu de s’àrea de sosta de Antas. 

Comunu de Santadi:   Sa de 55 editzionis de sa Coja Maurreddina de Santadi est torrada ocannu a sa data sua stórica (su primu domínigu de Austu) e si fait in tres diis: su 4, su 5 e su 6 de Austu 2023.Baddus e cantzonis de sa traditzioni innui partétzipant fintzas is grupus folk e cantat Emanuele Garau, acumpangiau de is musicistas de s’assótziu culturali Memorias. Presentat Emanuele Garau.

Comunu de Terraba:  Est in programma in Terraba una bella proposta de “Calici di Stelle”, chi dd’at bófia meda s’Amministratzioni Comunali e dd’at organizada s’Assótziu Turísticu Pro Loco. Domínigu su 30 de Meseargiolas a cumintzai de is 8 de a merii (20.00) in Pratza Cattedrale.

Comunu de Armùngia: S’Assótziu Culturali Aremusa cun s’amparu de su Comunu de Armùngia organizat sa Festa de su Pistocu de Armùngia.

Sàbudu su 29 de Meseargiolas 2023 s'apuntamentu est in Pratza Nassirya po tastai su pani típicu de su logu. 

Comunu de Samassi: Fonti: "Sardiniapost": Torrat in Samassi s'apuntamentu cun MadInArt, su festival de terra, música e arti, ocannu a sa de 8 editzionis: de su 28 de Argiolas a su 2 de Austu. Intra de Pratza San Geminiano e sa sea de assótziu internatzionali “Città della terra cruda” ddoi at 4 dís de música, tzínema, teatru, giocoleria, logus riservaus a is pipius, a is esposidoris e a su sport, spàtzius “design” e ancora installatzionis, proietzionis videu e labboratórius.

Comunu de Sàrdara: Sa Proloco Sàrdara organizat s’“Istadi Sardaresa 2023”

Programma: 21 de Meseargiolas 2023 a is 7 de a merii (19.00) in Pratza Podda Carnovali Istadiali a incuru de Is Carretones: sfilada in màscara e acabbu in música cun Disco Dj.

 3 de Austu 2023 a is 10 de noti (22.00) in Pratza Emilio Lussu: Corridona Karaoke. Alentadura cun Kekko Spettacoli